Shillong, Naiwieng 09 : U phria uba jur uba wan ryngkat bad u lapbah, ula lynshop ha bun tylli ki jaka kiba hap hapoh ka Eastern West Khasi Hills district ha ka janmiet sngi U Blei. Ki shnong kiba shah kjat jur eh ki kynthup ia ka Maroid, Nongthymmai, Thangmaw, Rikhen, Mawsyiem bad kiwei kiba marjan.
Une u phria ula pynjulor lut ia ki jingthung jingtep khamtam u kba uba la ih bad ap satang ka por ban ot.
Kat kum ka khubor, une u phria ula lynshop ha ka por 3:30 janmiet bad neh kumba 20 minit.
Kine shnong kila pynpaw ia ka jingsngewkhia namar ka jingjulor ki jingthung jingtep kaba lah ban ktah jur ia ka kamai kajih jong ki mynta u Snem.
