Shillong, Naiwieng 07 : Ka North Eastern Council (NEC) kala pynlait T.79.53 klur na ka bynta ki project kam pynroi ha kylleng ki jylla ka thain Shatei Lam Mihngi ha u bnai Risaw 2026 bad ka Meghalaya kala ioh ia ka bhah kaba bun eh kaba kot haduh T.26.56 klur.
Ia kane ka song pisa la pynlait hapoh ka skhim NEC (SoNEC) bad ka North East Special Infrastructure Development Scheme – Roads (NESIDS-Roads),nalor ki jingkyrshan ia ki project kiba kongsan ha ka thain.
Ha Meghalaya, kaba bun na ka bhah ka leit sha ka jingshna bha bad pynkhlain ia ka surok ba 46.08 km, kaba pyniasoh ia ka Chokpot-Kharukol hapoh ka NESIDS Roads. Kane ka surok kala ai jingmyntoi ia 78 tylli ki shnong bad palat 15000 ngut ki nongshongshnong.
Ka NEC kala ai jingkyrmen ruh na ka bynta ban tei ia ka Multi-Disciplinary Training-cum-Resource Centre ha Shillong.
Kiwei pat ki Jylla ki ioh : Sikkim – T.15.51 klur, Assam-14.79 klur, Arunachal Pradesh-T.11.18 klur, Nagaland – T.7.99 klur, Tripura-T.3.50 klur, bad ka Manipur bad Mizoram kila ioh ia ka jingkyrshen ban pynheh ia ki project surok bad kiwei kiwei.
