Amjong, Naiwieng 07 : U Myntri Rangbah ka Jylla Conrad K Sangma ha ka sngi Thohdieng, ula long u Myntri Rangbah ba nyngkong eh ha ki 50 snem bala leit ban leit iuhkjat sha Amjong, ka thain ba kyndong eh ka Mawhati Constituency, Ri-Bhoi District bad plie paidbah ruh ia lai tylli ki project surok kiba jrong haduh 44.63 km ban pynkhlain ia ki lad pyniasoh sha ki jaka nongkyndong.
Ha ka jingjngai ba 60km na Shillong, ka thain Mawhati kala mad la slem bha ia ki jingeh ha ki lad pyniasoh. Haba kren ha ka jingialang ha Amjong kum shibynta jong ka CM Connect programme, u Conrad ula ong ba ka Sorkar jong u kala kut jingmut hok ban poi sha man ki shnong ki thaw ba ha kyndong eh ka Jylla bad ban leh eiei halor ki jingdonkam jong ki ia ka roi ka par.
U MLA ka Mawhati bad nongaibuit ka Sorkar Bah Charles Marngar lem bad ki Ophisar ka District kila iadonlang ha kane ka jingialang.
U Conrad ula shim ia kane ka jingleit iuhkjat kum ka ban sah khana bad ong ba ka Sorkar kan iai bteng ha ka ban trei ia ki kam ki ban pynthikna ba ka roi ka par ka poi sha ki briew kiba sah sha ki jaka ba kyndong eh ka Jylla.
At Amjong in Mawhati Constituency, had the privilege of listening to the people’s concerns firsthand at the CM Connect. Their feedback helps us serve them better and to discuss how we can improve and work together. https://t.co/p8gw79kwIm
— Conrad K Sangma (@SangmaConrad) November 6, 2026
Ki lai tylli ki surok bala plie hapoh ka Phase-III jong ka Pradhan Mantri Gram Sadak Yojana (PMGSY-III) kiba la mang haduh T.36 klur baroh lang ki long :
Ka surok Mawlasnai-Kdohhati ba 20.50 km, ka surok Umsning-Jagiroad-Lumphuid ba 16.125 lm bad ka surok Pamlathar ba 8 km.
Ryngkat lang, kine ki surok kin ai ia ka lad pyniasoh baroh saw aiom sha ki 12 tylli ki shnong, ki ban ai jingmyntoi haduh 6,076 ngut ki briew, kat kum ka khana samari 2011.
Kane ka jingpynbha ia ka lad pyniasoh la khmih lynti ba kan pynsuk ia ki paidbah ban ioh ia ki lad jingsumar kiba kham biang, ki skul bad ki iew ki hat, haba kyrshan ruh ia ka jingkit jingbah ia ki marrep marriang bad ka khaii pateng ka thain.
Ha kylleng ka Jylla Meghalaya, haduh 1,214 na ki 1,311 tylli ki surok bala mang hapoh ka PMGSY ki dei kiba la pyndep, kaba ka jingjrong jong ki baroh lang ka long 5,406 km na ka 5,933 km. Kane ka kot ia 91% jong ka surok bala dep mang. Ka Jylla kala pyniasoh ruh haduh 597 na ki 600 tylli ki shnong kiba dei ban ioh ia kane ka skhim.
Nalor ki jingtei surok, u Conrad ula pynlait ruh ia bun ki kam pynroi jong ki shnong ki thaw kiba thmu ban pynkhlain ia ki jingtei ha ki jaka nongkyndong bad ka kamai kajih. Ula plier uh ia u Maw Mawlasnai Monolith bad ka DA-I-Hi Textile Unit ha Sohnidan hapoh ka CM-ELEVATE Sericulture bad Weaving Scheme.
Kane ka karkhana pynmih jain, bala pyniaid da u nongsengkam ka thain Bah Preciously Shadap, ula ioh ia ka jingkyrshan na ka Sorkar ba mynta ula lah ban aikam haduh 15 ngut ki briew.
Had the pleasure of inaugurating the DA-I-HI TEXTILE at Sohnidan Village, under Mawhati Constituency, Ri-Bhoi District.
The facility was funded under CM Elevate with provisions of looms and a weather-proof workspace. The enterprise now employs 15 people from the area. Best wishes to Kong Preciously Shadap and her team!
@girirajsinghbjp @jayantrld @TexMinIndia @deptoftextiles
— Conrad K Sangma (@SangmaConrad) November 7, 2026
U Conrad ula aiti ruh ia ki kali AGEY ha Sohnidan bad Amjong ban kyrshan ia ka leit ka wan bad ka kamai kajih ha ka thain.
