Shillong, Naiwieng 3: U Myntri Rangbah ka Jylla Meghalaya Conrad K. Sangma ha ka sngi Ba-ar u la plie paidbah ïa ka State Central Library ba la shna pynthymmai bad ïa ka ‘House of Ryndia’ ha U Soso Tham Auditorium, Shillong kum ka sienjam kaba thmu ban pynkhlaiñ ïa ka jingpule paidbah bad ban kyntiew ïa ki jaiñ tynrai jong ka jylla.
Ia ka State Central Library la pynthymmai hapoh ka National Mission of Libraries, ka jingthmu jong ka Union Ministry of Culture.Ka jaka ba la pynbha ka don ïa ki jaka pule kot kiba ktkum ka juk ba mynta, ka bynta ba kyrpang na ka bynta ki khynnah, ki jaka buh jingthoh bad ka jaka buh jingtip ba kyrpang na ka bynta ki candiadate kiba pynkhreh na ka bynta jong ki competitive examinations.
Ka Knowledge Corner ka long ban ai ki lad jingïarap bad ka jaka ba kyrpang na ka bynta ki samla pule bad kiwei kiwei ki nongwan rung kiba pynkhreh na ka bynta ki test bapher bapher kiba ïakhun.
U Myntri Rangbah ka Jylla ula plie ruh ïa ka House of Ryndia lane ka Ïing jong ki Ryndia, ka rynsan ban kyntiew ïa ki jaiñ tynrai jong ka Jylla Meghalaya bad ban pyni ruh ïa ka jingtbit jong ki nongthaiñ jaiñ trai ri bad ki Self-Help Group (SHG).
Inaugurated the renovated State Central Library and the House of Ryndia at the U Soso Tham Auditorium premises in Shillong today.
A place of nostalgia and learning for generations, the State Central Library now offers modern reading spaces, a children’s section, archives and a dedicated Knowledge Corner for competitive exam aspirants. The Library was renovated under the National Mission of Libraries of the @MinOfCultureGoI.
Also inaugurated the House of Ryndia, a vibrant platform celebrating Meghalaya’s indigenous textiles and bringing the craftsmanship of our local weavers, SHGs and entrepreneurs closer to wider markets.
Encourage young and old to visit.
@gssjodhpur @girirajsinghbjp @TexMinIndia @deptoftextiles
— Conrad K Sangma (@SangmaConrad) November 3, 2026
Ha ka jingthoh halor ka X, u Sangma u la ong ba ka library ba la pynthymmai kan pynshlur ïa ka jingpule ha kylleng ki kynhun rta, katba ka Ïing jong ka Ryndia kan kyrshan ïa ki nongthaiñ jain bad ki nongshna jaiñ na ka thaiñ.
U la kyntu ia ki nongshong shnong ban leit jngoh ia baroh ar tylli ki jaka, da kaba pynpaw ia ka bynta jong ki ha kaba kyntiew ia ka kolshor jong ka jingpule kaba bteng, ban pynneh pynsah ia ka kolshor jong ka jylla bad ban pynkhlain ia ka ioh ka kot jong ka thain.
