Nongstoiñ, Risaw 14: Ka WKSU sengkmie ha ka sngi thohdieng ka la pynkha ïa ka shnat treikam jong ka ha Rambrai ba la tip kum ka WKSU Rambrai circle.
Ha kane ka sngi la pynskhem ïa ki nongkitkam jong katei ka jylli treikam, ha ka jingdon lang u President Rangbah ka sengkmie u samla D.Sun ha ka jingdonlang ki dkhot nongïalam ka seng kmie.
Ki nongïalam jong ka WKSU Rambrai circle ki kynthup ïa u President u samla Kyrmenstar Marweiñ bad ïa u samla Milando Paliar kum u secretary bad ïa kiwei kiwei ki dkhot nongkitkam bad ki executive member.
Ka jingthmu jong ka seng bad don noh ïa katei ka jylli treikam ha katei ka thaiñ, ka long ban peit lem ïa ki jingeh ki paidbah ha ka roi ka par, ka jingeh jong ki khynnah skul bad ki samla pule. Ym tang katta hynrei ban peit lem ïa ka jingbit jingbiang ha ka imlang sahlang bad ka ïoh ka kot jong ki ba bun balang.
