Thoubal, Risaw 19: Uwei u briew u la khlad bad katto katne ngut kiwei pat ki la mynsaw ha ka jingïakynad hapdeng ar tylli ki jaidbynriew ha Manipur kaba hap hapoh ka Thoubal district ha ka miet sngi u Blei, kaba la pynlong ïa ki bor synshar ban pynjari ïa ki hukum ban khang pyrshah ha ki jaka ba shah ktah.
Ki pulit ki la ïathuh ba ka jingïakynad ka la sdang hadien ba la kynnoh ba kawei ka kynhun ka la siat maw sha kawei ka madan ba la pynlong ïa ka concert ha ka shnong Khangabok, kaba jngai kumba 25 km south jong ka Imphal.Kane ka jingïakynad ka la nangjur haduh ka jingïakawang maw ba mar kylliang hapdeng ki dkhot jong ki ar jaidbynriew ha Khangabok bad ka shnong Sangaiyumpham kaba marjan.
Utei u briew uba la khlad noh u la mynsaw na ka jingshah siat suloi, katba katto katne ngut kiwei pat ki la mynsaw ha katei ka jingshah thombor.Ki katto katne ki iing bad ki kali ruh ki la shah thang ha ki jaka ba shah ktah ha katei ka thain.
Hadien katei ka jingïakynad, ki bor pyniaid district ki la pynjari ïa ki hukum ban khang pyrsah ha Khangabok bad Sangaiyumpham, da kaba bthah ïa ki nongshong shnong ba kin shong khop hapoh ïing bad khanglad ïa ka leit ka wan khnang ban khanglad ïa ka jingjur shuh shuh.
La pynjari shuh shuh ïa ki bor pahara ha ki jaka ba shah ktah ban tehlakam ïa ka jinglong jingman bad ban ïada na ka jingshah thombor kaba kham jur.Ki bor pahara ki dang pynlong ia ka jingpahara kaba jur bad ka jingsynshar hi ia ki jaka, katba ki bor pyniaid District ki dang buddien bha ia ka jinglong jingman.
Kane ka jingjia ka wan hapdeng ka jingïakynad kaba dang ïai bteng ha ka jylla, ha kaba ki tnad pahara ki dang trei ban pynneh pynsah ïa ka shongsuk shongsaiñ bad ban ïada na ka jingïakynad kaba dang jur shuh shuh. Ia ki jingtip ba bniah mynta dang ap ha kaba iadei bad ka jinglong jingman jong ka jingshah thombor bad ki jingmynsaw.
