Shillong, Risaw 14: Ka Meghalaya Boxing Association (MBA) sa shisien pat ka la lah ba kan pynlong biang ia ka State Sub Junior Boy’s & Girls U-15 Years Boxing Championship ha kut jong ka Raij Laban College, Madan Laban.
Ia kane ka jingiakob la lah ban pynlong da ka jingiarap bei pisa ka tnat jong ka Directorate of Sports & Youth Affairs ka sorkar jylla.
Haba ai ia ka jingkren maitphang halor kane ka jingiakob, u Technical Director ka MBA bah Larry Kharpran, u pyntip ba haduh 7 tylli ki district bad San tylli ki klob kila wan iashimbynta ha kane ka jingiakob, ba kynthup 54 ngut ki khynnah shynrang bad sa 17 ngut na ka liang ki khynnah kynthei.
Ia ka ne ka jingiakob la plie da u Secretary ka Dorbar Shnong Madan Laban & Riat Laban u bah R.G Marbaniang bad ba la sakhi lang da u President ka MBA u bah Cornilius Kharhunai lem ki dkhot nongkit kam ka MBA, ki nongialam ka Noble Art Boxing Club bad ba la wnban ai mynsiem da ki kmie ki kpa bad kujuh ki khynnah ba ialehkai lang.
Ha kane ka sngi kaba sdang ki la don 15 tylli ki jingiakhun ba kynthup ia 11 tylli ki quarterfinal bad saw tylli ki semifinal.
Ki khynnah kiba la ioh ba kin khur ia la ki nam jop ki jong ki ka long ha ka 30-33KG nongjop dei u Daniel Nongrum (BAEKHD) , ha ka kyrdan iakhun kaba 40-42KG ki nongjop ki long Omega Nongjngi (WJH) , Ethan Nongdhar (NBC), Jakrika R Marak (WGH) ban u Banlang Luyngdoh (Ri-Bhoi).
Ha ka kyrdan iakhun kaba 44-46 kg, nongjop ki long Debraj Thapa (RSBA), Shandor Kharshandi (NBC) bad u tangrik (EGH)
Katba ha ka kyrdan iakhun kiba 46-48 kg, ki nongjop ki long u Florian Kharjana (GHBC), u Denzil Myrthong.
Ha ka kyrdan iakhun kaba 48-50 kg ka nam jop ka leit sha u Samha-0-Mulieh (WJH)
Ki resol na ka jingiakhun ka semifinal pat ka long ba ha ka kyrdan jingkhia kaba 28-30 kg ki long u Wanmi Kharkongor (USBA) bad Marcilino Rimen (BAEKHD), bad ha ka kyrdan iakhun kaba 36-38 kg ki nongjop ki long U Kitbok Shabong (BAEKHD) bad Elegant Shadap (Ri-Bhoi).
Kane ka jingiakhun kan bteng biang pat sa lashai ka sngi, ha kaba kin don bun tylli ki kyrdan iakhun bapher bapher jong ki khynnah shynrang bad kynthei.
