Tinsukia, Risaw 14 :Ki bor pahara ka tnat Assam Rifles kila ioh ban kem noh ia laingut ki dkhot jong ka kynhun kieng atiar ULFA-I na ki bynta jong ka Jagun kaba hapoh Tinsukia district ka Assam.
Kine ki laingut ki dkhot jong katei ka kynhun kila shah kem noh ha ki bor shipai ka Assam Rifles napoh kawei ka bus hynnin ka miet sngi Palei.La kem noh ia kine ki laingut katba ki dang thmu ban leit sha Jagun na Sivsagar, Assam.
Kine ki samla la ong ba kila leit sha Jagun da ka jingthmu ban pyniasoh bad ka kynhun kieng atiar ULFA-I.
Ia kine ki laingut ki samla kiba la shah kem noh la tip kyrtengk um u Swadeshi, Bijay Bowri bad u Gunadhar Rajawar.
Hadien kane la aiti noh ia kine ki laingut sha ki bor pulit ka Lekapani police station hapoh Assam.
