Imphal, Risaw 8: Ka sorkar Manipur, ka la pan sa 30 pyrton ki Central Armed Police Forces (CAPFs), ba kynthup ia ki kynhun ba kyrpang kum ka Commando Battalion for Resolute Action (CoBRA) bad ka Rapid Action Force (RAF), na ka Union Ministry of Home Affairs (MHA).
Ki heh ophisar ki la ïathuh ba ki bor pahara ki thmu ban pynjur ïa ki kam pyrshah ïa ki kynhun kaikhlaw ha kylleng ka jylla, kaba la sakhi ïa ki jingïakynad jaitbynriew kiba ju jia man ka por naduh u bnai Jymmang 2023.
Ka Manipur ka la bteng ban sakhi ïa ki jingïakynad, ha kaba ki jingïakynad ba dang shen ki la ïadon bynta bad ki kynhun Kuki-Zo bad ki kynhun Naga ha ki katto katne ki jaka.Ka jingkyrpad ka wan hapdeng ka jingsngewkhia kaba jur bha ha ka liang ka jingïada bad ka jingpyrshang jong ka bor synshar ban pynneh ïa ka jingdon jong ka jingïada kaba neh ha ki jaka kiba kham don jingma.
Ki bor pahara la khmih lynti ba kin pynkhlain ia ki kam pyrshah jong ki kaikhlaw, ka jingsynshar ia ki jaka, ka jingiada ia ki jaka kiba kongsan bad kiba lah ban shah ktah, bad ka jingpynneh ia ka shongsuk shongsain.
Ki tyllong khubor ki la iathuh ba ka jingdawa ban pyndap ia ki bor pahara ka wan ha ka por jong ka jingiakynad hapdeng ki ar jaitbynriew kaba la slem bha hapdeng ki Kuki-Zo bad Meitei.
Ka jinglong jingman ha ka liang ka jingïada ka la nang kham jynjar namar ki jingïakynad kiba la mih hapdeng ki kynhun Naga bad ki kynhun Kuki-Zo, khamtam ha ki jaka lum.Ki bor synshar ki dang buddien bha ïa ki jaka ba la shim ba ki lah ban shah pynjur shuh shuh bad ki dang pynneh ïa ki jingpynbeit ba kham khlaiñ jong ka jingïada ban ïada na ka jingjia jong ki jingshah thombor.
