Shillong, Risaw 2: U MLA ka 19th South Shillong bad Myntri Sorkar Bah Sanbor Shullai u la ai jingïarap ïa saw ngut ki thei bad ki rangïalehkai ka shnong Mawlai ki ban leit sha nongbah Delhi ban ïa shim bynta ha ka World Arm Wrestling Championship.
U Bah Sanbor u la pynpaw ba u la ïarap ïa kine ki saw ngut lyngba ka Discretionary Grant ïa kaba ka sorkar ka ju ai sha baroh ki 60 ngut ki MLA mar T.20 lak ha ka shi snem.
Kane ka jingjingiarap ka dei kaba la punbeit da ka Bharatiya Janata Party (BJP) Mawlai Mandal bad ia kane ka jingkitbok kitrwiang la pynlong ha ka shnong Mawlai Umthlong.
Ha kane ka sngi u Bah Sanbor u la noh synniang mar 10 hajar sha kine ki saw ngut ki thei bad ki rangialehkai bad kine ki kynthup ia u Bah Alexshonroy Mylliem Umlong, Bah Borsis Nongbri, kong Bandarika Kharkongor bad ka kong Nerisa Kharphuli.
Haba kren kum u kongsan u Bah Sanbor u la ong u la kitbok kitrwing ia kine ki saw ngut ba kin lah ban wanrah ia ka nam bad ka burom ia ka jylla bad kum shi bynta ban iarap ia ka bai leit bai wan jong ki, u la bthah ba kin wan mih sha ophis khnang ban ia kren bad ka sorkar halor ka jingdonkam.
Shuh shuh u la ong, mynta ka sngi nga ai mar shi phew hajar tyngka hynrei hadien ka 6 hynriew tarik u Risaw sa wan sha ka ophis jong nga khnang ban ioh ai biang sa mar 25 hajar tyngka sha baroh saw ngut.
U la ong ba man la u MLA u ioh mar 20 lak ha ka shi snem ban bad ïa kane ka pisa ym shem la kdew ne khang ban ai wat shabar jong ka constituency ruh.
Naka liang u Bah M Kharkrang ba kine ki saw ngut kim dei kiba leit ia shim bynta ha ka rynsan kaba rit hynrei kadei ka rynsan kaba heh bha namar ba kadei jong ka World Arm Wrestling Championship bad kumta ngi kitbok kitrwiang ba kin lah ban leh bha.
