Shillong Risaw 02: Uwei u briew uba ym pat lah ban ithuh ne tip kyrteng haduh mynta, ula pyndkut jubor iala ka jingim da kaba sdien phasi ha kawei ka building kaba don ha Khyndailad.
Ia kane ka jingjia, la suba jur ba une u briew ula sdien phasi ialade ha ka miet jong ka sngi Palei ne dang step phyrngab jong ka sngi thohdieng.
Ki pulit bad ka kynhun jong ka State Disaster Response Force (SDRF) kila leit sha katei ka jaka ban pynlong ia ka jingtohkit kaba mardor.
Ki bor pulit kila pynpaw ba mynta ki dang pynlong ia ka jingtohkit kaba bniah ban lap ia ka daw tynrai jong kane ka jingjia.
Nalor ki dang pyrshang ruh ban ioh ia ki jingtip kiba bniah ban lap ruh ia ki bahaiing bahasem jong une uba la khlad noh.
