Shilong, Risaw 2 : Ka Seng Rangbah Katholik Holy Trinity Sutnga Parish, East Jaintia Hills kala pyn shai ba ka khlem mynjur ban ai jingkyrshan ia u kyrtong ka NPP ban iakhun ia ka elekshon shiteng samoi ka Shillong Lok Sabha.
Kat kum ka kywroh na u President Emanlang Pala bad General Secretary Merciful Sutnga, la pynshai ba ka jingleit iakynduh ia u Symbud Myntri Rangbah Bah Sniawbhalang Dhar ka long na ka bynta ban pan jingiarap ia ki jingdonkam kiba bun jong ka Seng Rangbah hapoh ka Parish.
“ka Seng Rangbah kam shym la leit iakynduh ia u Symbud Myntri Rangbah ban ai ka jingkyrshan ba pura ia u kyrtong ka NPP, Dr DRL Nonglait” kila ong.
Kine ki nongialam ka Seng Rangbah kila ong “Kum ka seng Rangbah ngi trei na ka bynta ka bha ka miat jong ka Balang bad kum ki nongshongshnong ka Jylla ngi don ia ka hok ban leit pan jingiarap na u Symbud Myntri Rangbah ka Jylla”.
