Shillong, Nailur 21 : Uwei u samla ula ngam jyllop ha Mawdiangdiang ha ka sngi Nyngkong bad ia ka met la ioh ban tam noh da ka State Disaster Response Force tang hapoh shikynta ba ai jingtip.
Kane ka jingngam jyllop kala jia ha ka por 12 baje mynstep ha kawei ka pun grit kaba don ha ka nongkynti shimet ha Mawdiangdiang.
Ka DDMA, East Khasi Hills kala pyntip sha ka 1st SDRF Battalion, Shillong ha ka por 2:24 baje janmiet.
Ka kynhun hapoh ka jingialam u Inspector S Dkhar kala hiar sha katei ka jaka ha ka por 2:35 baje janmiet bad kala ioh ban tam noh ia ka met ha ka por 3 baje janmiet ha ka jingiadon ryngkat ki Pulit ka Mawdiangdiang Outpost bad u Rangbah Shnong.
