Nongpoh, Nailur 7: Uwei u rangbah u la mynsaw jur hadien ba kynnoh shah pom da u sdie ha la ka jong ka kurim ha ka jingiakajia shitnga ha ka shnong 9 Mer Baridua, Ri-Bhoi District.
Kane ka jingjia kala jia ha ka miet Sngi U Blei por 9:11 baje eiei, ong ki Pulit ka Khanapara Police Station kiba la ioh ia ka khubor da ka jingpyntip u Rangbah Shnong ka 9 mer Baridua.
Ki Pulit kila hiar sha katei ka jaka bad lap ba une u rangbah ula thiah lyngktar ha madan hapdeng ka jinglyngkien ka snam.
Ha ka jingtohkit, ki Pulit kila tip ba une u rangbah ba mynsaw u kyrteng u Bah Sikander Lyngdoh bad la kynnoh ba ula shah pom da u sdie na ka khlieh hala ka jong ka kurim kaba kyrteng ka Poonam Bosper ba 36 snem.
U para uba lap ia kane ka jingjia, ula pyntop noh mar mar ia u Bah Sikander sha Health City ban ioh ia ka jingsumar kaba kyrkieh.
Ki Pulit ki iathuh ba ka kurim Poonam Bosper kala phet krad nala iing hadien ba dep leh ia katei ka jingjia bad mynta ki Pulit ki dang thwet ban ioh kem bad tohkit ia ka.
Ki Pulit kila register case halor kane ka jingjia bad ka jingtohkit kala iaid shakhmat.
