Shillong, Nailur 01: Ka jinglong jingman ba jai jai kala wanphai pat sha Shillong bad ki nongjngohkai kila sdang ban wan biang sha kane ka nongbah hadien ka jingjia kam thombor ha ka 19 tarik Nailar kiba jia ha ki kynta iaid rally thuk thu ka KSU, ong u Deputy Commissioner ka EKH Abhilash Baranwal ha ka sngi Ba-ar.
U Baranwal u pyntip ruh ba ka Sorkar kala weng noh ia ki bor pahara Central Armed Police Force (CAPF) bad ka Rapid Action Force (RAF), kiba la buh ban pahara hadien ki jingjia thombor.
“Naba ki jingiakren ki dang iaid ba ka seng (KSU) bad ka seng kala weng noh ia ka jingiakhih ia mynta, Nga ngeit ba ka jinglong jai jai kala wan phai pat. Ki nongjngohkai kila sdang wan biang sha kane ka sor bad ka district” ong u DC.
U pyntip ba ka hotel booking ruh kala kiew biang hynrei kin dang ban kynjoh ia u pud kumba ju long hashuwa kane ka jingjia ba 19 tarik Nailar.
Haba kylli halor ki case thymmai bala pynngat ia ki nongialam ka KSU, u Baranwal ula ong ba u Superintendent of Police un lah ban jubab ia kane.
