Shillong, Nailar 30 : Ki 4 ngut ki riewkieng atiar ba kyllon iap ha ka jingiather kuliha East Garo Hills, ki dei ki runar kiba thmu ban rahbor ia ki Heh ka National Highway & Infrastruture Development Corporation Limited (NHIDCL) ban ioh dawa pisa.
Kine ki runar ki kyrteng u Alason Marak uba dei na Mendima, North Garo Hills, u Sustom Rabha uba dei na Goalpara, Assam, u Kalam Ali uba dei na Goalpara, Assam bad u Bobidul Islam ba na Goalpara, Assam.
U Superintendent of Police ka East Garo Hills Pawar Swapnil Vasantrao, u iathuh ba u Alason Marak u dei uba donkti hakhmat eh ha ka jingiather kuli ha Damra kaba lam sha ka jingiap jong uwei u nongkhaii.
U Sustom Rabha u dei uba la don bun tylli ki case kam bymman bala register ha Assam bad Meghalaya, khamtam ha Dudhnoi, Mendipathar bad Dadenggre Police Station, kiba kynthup ia ki kam tuh, kam rahbor, bad kam kieng atiar.
U Kalam Ali u dei uba don bynta ha ka case ka Krishnai PS hapoh ka kyndon rahbor, dawa pisa, shoh briew bad set jubor ia ki briew.
Katba u Bobidul Islam ruh u dei uba donkti ha ki kam bymman. Na ka met jong ki saw ngut la ioh ban kurup ia artylli ki pistol shna hi nalor ki kuli ki bym pat bthei bad kiba la bthei, kiba la pyndonkam haba siat sha ki Pulit.
U SP u pyntip ba ki Pulit kila ioh ia ka jingtip halor ka jingiaid kine ki runar sha Songsak, East Garp Hills ban rahbor ia ki nongtrei ka NHIDCL bad mar mar, ka kynhun ki Pulit bala ialam da ki Ophisar bad ki Anti Terror Squad (ATS) ryngkat ki Pulit ka East Garo Hills bad Songsak Police Station, kila pynlong ia ka jingap shrip ha Songsak Reserve ban ioh bat ia kine ki rynar.
U iathuh ba dei ha ka por 4 baje mynstep, ka Bolero ba don u nombor AS01-FD-2889 kala wan bad haba ki Pulit kila pynieng ban talasi, kine ki runar kila ther kuli sha ki Pulit da kaba pyndonkam ia ki pistol shna ho. Ki pulit kila pynphai markylliang bad ha kane ka jingiather kuli, baroh saw ngut kila mynsaw ba shei kuli.
Hadien bala kut ka jingiather kuli, ki Pulit kila leit talasi ia ka kali bad ia kine ki runar la pynkit noh sha Songsak PHC bad hadien la pynkynriah sha Williamnagar Civil Hospital ha kaba u Doktor ula pynbna ba kila iap ha lynti.
 ban ioh dawa pisa.){kind=link}