Shillong, Nailar 24: U MP barim ka Rajya Sabha Dr WR Kharlukhi ha ka sngi Nyngkong, ula iehnoh kam kum u dkhot ka National People’s Party (NPP).
Ha ka shithi iehnohkam bala phah sha u President ka NPP-Meghalaya Bah Prestone Tynsong, u Bah Dr Kharlukhi ula ong “Nga buh hangne ia ka shithi iehnohkam kum u dkhot ka National People’s Party ka ban treikam noh mardor”.
Haba ai khublei ia ki nongialam ka party, u Dr Kharlukhi ula ong “Nga ai khublei naduh ka mynsiem ia ki nongialam ka party bad ki para dkhot namar ki kabu, ki jingkyrshan bad ki jingshemphang bala ai ha nga ha ka jingiatreikam bad ka party. Nga sngewnguh ia ka por ba nga pynlut ban iatreikamlang ha ryngkat ka party bad ki dkhot”.
Ula kyrpad ia u President ban pdiang ia ka jingiehnohkam jong u bad ban shim ia ki sienjam ban weng noh ia ka kyrteng jong u na ka thup ki dkhot jong ka party mardor.
U Dr Kharlukhi u dei u President barim ka NPP-Meghalaya.
.){kind=link}