Shillong, Nailar 19 : Ka Meghalaya Basin Management Agency (MBMA) bad ka Spices Board, ka Sorkar India, kila iasoi ia ka MoU ban kyntiew ia ka kam rep ia ki jingthung ba lah ban pynkylla jynshoh (spice) kaba neh bad kat kum ka jingstad saian ha Meghalaya, da kaba jingphai khmat ha kaban wanrah ia ki lad kamai kiba heh dor na ka bynta ki nongrep.
Ia ka soskular la iasoi ha ka sngi Balang hapoh ka ADB-financed Integrated Eco-tourism and Sustainable Agri-based Livelihood Development (IESALD) Project. Ka thmu ban pynkhlain ia ka jingiatreilang ha ka liang ka lain techninal bad kyrshan ia ki nongrep ba kin shim ia ka rukom rep kaba kham janai.
Ia ka MoU la iasoi hapdeng u Gavede Sachin Shankar, Executive Director, MBMA bad ka Team Lead, Agriculture Component jong ka project, lem bad u M.S. Manivannan, Secretary, Spices Board, ha ka jingiadonlang u D. Vijay Kumar, Project Director ka ADB IESALD Project.
Ka jingiatreilang kan phaikhmat eh sha ka jingrep sohmarit iong, cardamom uba heh bad cinnamon- kiba lah ban ai ka kamai kaba heh haba kyrshan iakiwei pat ki jingrep kiba neh hapoh ka Jylla.
Ka Spices Board kan ai ia ki jingshemphang ha ka lain technical bad jingbtin lynti ia ka rukom rep kat kum ka jingstad saian, iarap ban pynkhlain ia ka jingpynmih jynshoh ka Jylla bad kyntiew ia ka lad kamai na ka bynta ki paid nongrep.
Kiba la iadonlang ha kane ka jingiasoi soskular ki kynthup ia u Dharmendra Das, Director (Development), Spices Board, bad Dr John Jo Varghese, Scientist, Spices Board, nalor ki Ophisar na baroh arliang.
 bad ka Spices Board, ka Sorkar India, kila iasoi ia ka MoU ban kyntiew ia ka kam rep ia ki jingthung ba lah ban pynkylla jynshoh (spice) kaba neh bad kat kum ka jingstad saian ha Meghalaya, da kaba jingphai khmat ha kaban wanrah ia ki lad kamai kiba heh dor na ka bynta ki nongrep.){kind=link}