Shillong, Nailar 19 : U Myntri Rangbah ka Jylla, Conrad K Sangma ha ka sngi Ba-ar, ula buh mawnongrim ia ka project ba palat T.41 lak jong ka Chief Minister’s Special Development Fund 2025-26, ban tei kynroh ia ka Ophis treikam jong ka Seng Bah Nongshat Nongkhein Hynniewtrep Hynniewskum, ha Baniun, Upper Shillong.
Happy to lay the foundation stone for the boundary wall of the office of Ka Sengbah Ki Nongshat Nongkhein Hynñiewskum Hynñiewtrep at Bañiun under Mylliem, sanctioned at a cost of ₹41.69 Lakhs and to witness the project’s sacred consecration.
Our Government has made several… pic.twitter.com/FJ6A3mXNYV
— Conrad K Sangma (@SangmaConrad) August 19, 2026
U Myntri Rangbah, Conrad K Sangma ula ong ba kane ka jingialang kam dei eh tang halor ka jingbei tyngka CMSDF hynrei ka iaid bad pynbteng ia ka jingkut jingmut ka Sorkar ban bat, iada bad kyntiew ia ka dustur tynrai, ka riti dustur bad kham kongsan, ka jingithuh ba kyrpang jong ki briew.
“Nga kmen bha ban iohi ia ka kynhun Wangala kaba wan hangne bad shad ha kane ka prokram. Nga sngew ka dei kaba rit bha hynrei ka khubor kaba khlain ba phi la ai sha ki briew jong ka Jylla bad nga ai khublei ia phi na ka bynta kane” ula ong haba ban jur halor ka dor jong ka jingieid iala ka jong ka Jaidbynriew bad ka tynrai haba khein kor ia ka dor jong ka jingiatylli.
“Ka dei tang da ka jingiatylli bad jingburom bad tang da ka ingiatreilang ban gin lah ban jam shakhmat kum ka imlang sahlang bad kum ka Jylla. Nga kyrmen ba kane ka jingialong shipara, jingieid, burom bad jingiatylli kan iai bteng ban suhthied” ula ong.
Ka Seng Bah Nongshat Nongkhien, ka dei kaba la seng ha u snem 1982 ha Madanrting Shillong. Hadien ka jingseng ia ka, ka Seng kala thied ia ka jaka ha Baniun lyngba ka jingianoh synniang ki Rangbah, bala tup kum “Ki Riew Tynmen” ha ryngkat bad ki dkhot ka Seng bad la buh kum ka Headquarter jong ka Seng bad bteng ban shakri kum ka jaka ban trei ia ki kam ka Seng.
Ka jingthmu bad ka thong ba hakhmat eh jong ka Seng Bah Nongshat Nongkhein ka long ban iarap bad btin lynti ia ki paid Khasi kiba dang bud ia ka Niam Tynrai. Ka Seng ka kwah ban tyngkai bad ai ia ki jingtip shaphang ka rukom pyniaid ia ka niam ka rukom, ka jingleh niam na ka bynta ka jingmyntoi jong ki Longiing bad ka Jaidbynriew haba btin lynti ruh bad ai jingiarap iaki riewshimet bad ki longiing ha kylleng ka ri-lum Khasi bad Ri-Bhoi, bad iano iano kiba kwah ban tip bad pan jingiarap na ki Riew Tynmen, ki nongshat nongkhein kiba iadon bynta bad ka Seng.
Ki dkhot ka Seng ki ai jingiarap ruh ia ki briew kiba don ka jingshitom na ki jingpang bapher bapher lyngba ka jingduwai tynrai, ka knia ka khriam bad kiwei kiwei.
