Shillong, Nailar 18: Iaka lawei jong ka kynhun Regional Democratic Alliance (RDA) hapdeng ka United Democratic Party (UDP) bad ka Hill State People’s Democratic Party (HSPDP) yn sa rai hadien ka elekshon MP shiteng samoi na Shillong Lok Sabha, ong u general secretary ka UDP bad nongialam ka liangpyrshah ha KHADC Bah Titosstarwell Chyne.
Haba kylli hato ka jingiatreilang ka dang neh, u Bah Titos u la ong ba baroh arliang mamla kin pynlong ia ka jingialang ban iakren bad ban pynbeit ia kino kino ki jingbym iasngewthuh jingmut bad ban shim ia ka rai, la ka RDA kan dang bteng ne yn pynkut noh.
“Hadien, ynda ngi la don ka jingialang hapdeng ka HSPDP bad ka UDP, lehse hadien ka ilekshon MP shiteng samoi Shillong Lok Sabha, ngin sa shong ban iakren bad ban pynbeit lada don kino kino ki jingbym iasngewthuh jingmut. Nangta ngin sa rai la ngin bteng ne ngin pynkut noh iaka RDA” la ong u Bah Titos.
“Ngin sa shim iaka rai ka hadien ka ilekshon MP shiteng samoi” u la bynrap.
U nongialam ka UDP u la kdew ruh ba ka HSPDP kam shym la phah kano kano ka jingthoh halor ka nongrim jong ka hynrei ka la pynbna paidbah ba kan nym kyrshan ia u kyrtong ka UDP ha kane ka ilekshon shiteng samoi ban wan.
“Kim shym la ai ei ei ha ngi da ka jingthoh, hynrei ki la pynbna paidbah ba kin nym kyrshan iano iano ruh” ula ong.
 hapdeng ka United Democratic Party (UDP) bad ka Hill State People’s Democratic Party (HSPDP) yn sa rai hadien ka elekshon MP shiteng samoi na Shillong Lok Sabha, ong u general secretary ka UDP bad nongialam ka liangpyrshah ha KHADC Bah Titosstarwell Chyne.){kind=link}