Shillong, Nailar 11 : U President ka United Democratic Party (UDP) bad Myntri Sorkar Bah Metbah Lyngdoh ha ka sngi Ba-ar, ula ban jur ba ka party jong u ka long kaba la pynkhreh ban iakhun ia ka elekshon shiteng samoi ka Shillong Lok Sabha “ryngkat ne khlem” ka jingkyrshan jong ka Hill State Peoples’ Democratic Party (HSPDP) kaba iatreilang ha ka Regional Democratic Alliance (RDA).
Haba kren sha ki nongthoh khubor, u Bah Metbah ula ong ba ka UDP kala dei rai ia u kyrtong bad kala sdang ban iaid ialap ha man ki constituency, watla ka Election Commission kan dang ban pynbna ia ka tarik jong ka elekshon.
“Ngi long kiba la pynkhreh ban iakhun ia ka elekshon. Ngi la dei rai ia u kyrtong bad ngi la iajam shakhmat” ula ong.
Haba kylli la ka rai jong ka HSPDP ban nym kyrshan ia u kyrtong ka UDP kan ym ktah ia ka party, u Bah Metbah ula ong ba kam ktah satia.
“Ngam don eiei ban ong halor ka HSPDP. Kane ka kam ka kam pohiing jong ki. Ngi la pynpaw ialade kham hashuwa bad haduh mynta kim shym la wan iakren shuh bad ngi. Hynrei ryngkat ne khlem ma ki ruh, ngi la nang jam shakhmat kum ka party” ula ong.
Halor ka jingeh ka Regional Democratic Alliance (RDA), une u President ka UDP ula ong ba ka party kala iaid hi marwei. “Ia mynta, ngi la iaid marwei, ym hapoh ka lama jong ka RDA. Ka dei tang ka UDP marwei” ula ong.
 bad Myntri Sorkar Bah Metbah Lyngdoh ha ka sngi Ba-ar, ula ban jur ba ka party jong u ka long kaba la pynkhreh ban iakhun ia ka elekshon shiteng samoi ka Shillong Lok Sabha “ryngkat ne khlem” ka jingkyrshan jong ka Hill State Peoples’ Democratic Party (HSPDP) kaba iatreilang ha ka Regional Democratic Alliance (RDA).){kind=link}