Shillong, Nailar 07 : Ka Bharatiya Janata Party (BJP)-Meghalaya, ka dang ap ia ki nongialam na Delhi ban rai ia u kyrtong u ban iakhun ia ka elekshon shiteng samoi ban wan ka Shillong Lok Sabha napdeng ki 9 ngut kiba pan tiket, kynthup kawei ka Nongialam Kynthei.
U MLA ka Pynthorumkhrah bad nongialam ka BJP Bah AL Hek ula iathuh ba ka State Unit kala pyndep iala ki kam ba dei ban leh bad kala phah ia baroh ki kyrteng sha ka Sorkar Pdeng.
“Ngi la rai ban iakhun ia ka elekshon shiteng samoi bad ngi la sdang ban trei ia ki kam ha man ki jaka. Hynrei ngim pat shim rai satia ia u kyrtong. Ngi dang ap ia ka rai ka ban shim da ki nongialam na Delhi” ong u Bah Hek.
“Ki don khyndai ngut kiba la aplai ticket. Katto katne ki dei na ka jylli sain pyrthei, katto katne na ki kam trei mon sngew bha bad katto katne na ki nonghikai. Kat kiba ioh ia ka tiket, ngi hap ban trei na ka bynta ka party” ula bynrap.
Ula pynshai ba ka rai ba khatduh ka shong eh ha ki nongialam na Delhi.
“Ia ka rai ym lah ban shim da ka BJP Meghalaya. Baroh ka shong ha ki nongialam na Delhi la ki kwah ia u kyrtong ba dang khynnah ne kiba la rangbah” ula ong.
Ka shuki MP ka Shillong Lok Sabha kala lait thylli hadien ka jingiap noh u MP Dr Ricky AJ Syngkon.
-Meghalaya, ka dang ap ia ki nongialam na Delhi ban rai ia u kyrtong u ban iakhun ia ka elekshon shiteng samoi ban wan ka Shillong Lok Sabha napdeng ki 9 ngut kiba pan tiket, kynthup kawei ka Nongialam Kynthei.){kind=link}