Shillong, Naitung 30 : Ka Shillong Bar Association (SBA) kala pynrem jur ia ka jingkynnoh jrong kti pyrshah ia u nongiasaid ain bala rim AH Hazarika bad kala rai ban sospon ia ka jinglong dkhot jong u katbym pat dep ka jingtohkit.
Ka SBA kala pyrshah jur ruh ia ka jingkynnoh shoh bad pyniaid bat skhor ia une u nongiasaid ain da ki kynhun.
Ka Executive Committee kala pynlong ia ka jingialang ba kyrkieh ha ka 29 tarik Naitung, 2026 hadien ba katei ka jingjia kala saphriang ha ki social media ha ka 28 tarik Naitung.
Ka kyrwoh bala phah da u President HR Nath bad Secretary P Jyrwa ka ong ba ka pynrem jur ia ka kam bala kynnoh bala leh da u AH Hazarika, u nongiasaid ain pyrshah ia ka samla pule ba wan leh intern”.
“Kum kane ka jingleh, lada pynshisha, ka pynkhein ia ka akor treikam, ka burom jong u briew shimet bad ka dei ka bym lah satia ban pdiang” ong ka Association.
Haba kdew ia ka jingkhia jong kane ka kam, ka SBA kala rai ban ai ia ka show-cause notice ia u Hazarika bad ban leh eiei da kaba tyngeh.
Ka SBA kala pynpaw ruh ia ka jingsngewkhia ia ka rukom shah pyniaid kjat u Hazarika ha Shillong hadien ba mih pyrthei kane ka jingkynnoh.
Kat kum ka kyrwoh, katto katne ki kynhun kila leit kem, shoh bad pyniaid bat skhor ia u naduh ka Ophis treikam jong u ha Keating Road, Shillong sha Sadar Police Station.
“Watla ka long kumno kumno ruh ne ki jingkynnoh, ym don uwei ruh u briew uba dei hok ban shah leh kum ha kane ka rukom. Kum kane ka kam ka thew sha ka jingshim halade ia ka ain bad ka dei ka bym lah ban pdiang” ong ka Association haba pynpaw ia ka jingkyrshan ban pynlong ia ka jingtohkit kabym shah liang ha kane ka jingjia.
 kala pynrem jur ia ka jingkynnoh jrong kti pyrshah ia u nongiasaid ain bala rim AH Hazarika bad kala rai ban sospon ia ka jinglong dkhot jong u katbym pat dep ka jingtohkit.){kind=link}