Gangtok, Risaw 8: Khyndai ngut ki briew kila shah kem hynnin ka sngi ha Sikkim namar ka jingpyrshang ban leit rah lama iong hakhmat u Myntri kam Pohiing ka Ri u Amit Shah, uba la leit iuhkjat hynnin ka sngi thohdieng ha Gangtok.
Kine ki khyndiat ngut ki dei ki dkhot ka Sikkim Suraksha Samiti bad la kem ia ki hapoh ka kyndon 151 CrPC.
Kine ki Dkhot ki dei kiba iadon bynta ha ka jingshah thngan bala pynlong ha District Administrative Centre ha Gangtok mynta la artaiew eiei halor ka jingdawa pyntreikam ia ka Inner Line Permit (ILP) ha Sikkim.
Hynnin ka step shuwa kane ka jingleit lama iong, kine ki dkhot bala ialam da u President ka Sikkim Suraksha Samiti u Madan Tamang, kila kiew ha kawei ka kali da ka jingpyrshang ban poi sha ka Cooperative Dairy Conclave kaba long ha Manan Kendra, kaba u Amit Shah u thmu ban leit,.
Kine ki Dkhot ka Samiti kila rah bad ki lama iong ban pynpaw ia ka jingpyrshah ia u Amit Shah hynrei kila shah khang lynti noh ha ki Pulit bad kila shah kem ban lait na kano kano ka huri hura.
Ki Pulit ki iathuh ba kine ki Dkhot ki kwah ban dawa pyntreikam noh ia ka ILP ha Sikkim, kaba la treikam ha ki katto katne tylli ki Jylla jong ka Thain Shatei Lam Mihngi ba pyrrkhing ia ka jingwan rung ki bar Jylla.
