Shillong, Naitung 14: U Myntri ka tnad ka koit ka khiah Bah Wailadmiki Shylla u la ong ba ka Sorkar Jylla kan sa phah ia ka kynhun sha Delhi ha u bnai ban wan ban iakren halor ka jingkyntiew kyrdan Institute of National Importance (INI) ia ka North Eastern Indira Gandhi Regional Institute of Health & Medical Sciences (NEIGRIHMS).
Haba kren shaki lad pathai khubor u Bah Wailad u la iathuh ba u la rah ia kane ka mat hakhmat u Myntri ka tnat ka koit ka khiah ka Sorkar Pdeng ha ka jingwan jong u dang shen sha Shillong na ka bynta ka jingialang jong ka Parliamentary Committee halor ka koit ka khiah.
“U Myntri ka Sorkar Pdeng u la pynthikna ba un buddien ia kane ka jingdawa kyntiew kyrdan iaka NEIGRIHMS. Ula bthah ruh ia ngi ban aiti ia ki kot ki sla kiba donkam” ong u Bah Wailad.
U Bah Wailad ula iathuh ruh ba u la ïakren bad u Myntri Rangbah ka Jylla u Conrad K Sangma halor kane ka kam.
“Ngi dang pynkhreh ia ki kot ki sla ba donkam. U Myntri Rangbah ka Jylla u la pynthikna ba ngin iai bteng ban buddien ia kane ka mat” u la ong.
U Myntri u la ong ba ka kynhun jong ka Jylla kan leit sha nongbah Delhi ha u bnai ban wan ban iakren bad ka Sorkar Pdeng halor ka jingdawa kyntiew kyrdan INI iaka NEIGRIHMS.
 ia ka North Eastern Indira Gandhi Regional Institute of Health & Medical Sciences (NEIGRIHMS).){kind=link}