Shillong, Naitung 09 : U Myntri Rangbah ka Jylla Conrad K Sangma ha ka sngi Palei ula bthah ia ki Ophisar ba kin pynsted kloi ia ka jingkyntiew kyrdan ia ka Baghmara Civil Hospital, da kaba pynleit jingmut ban pynjanai ia ka jingai jingsumar ki specialist, ka jingsumar ia ki Longkmie bad Khynnah, ki tiar sumar ia kiba mynsaw ha South Garo Hills.
Today, I reviewed the progress of works at the Baghmara Civil Hospital in South Garo Hills, along with Additional Chief Secretary (Health) Dr. Sampath Kumar, the Deputy Commissioner and our health officials.
Baghmara Civil Hospital is being strengthened into a dependable centre… pic.twitter.com/lHH29EQaCx
— Conrad K Sangma (@SangmaConrad) July 9, 2026
Haba shong bishar ia ka jingiaid ki kam bad ki Heh ka Tnad ka Koit ka Khiah, u Conrad ula bthah ba baroh ki jingtei kiba dang iaid bad kiba thmu ban pyntrei, ba dei ban pyndep kham kloi bad ban peit thuh bha ruh ha kaban pynthikna ba kin dep hapoh ka por kaba buh.
Ka jingbishar kam kala pynpaw ba haduh T.11.37 klur la mang na ka bynta ki saw tylli ki jingtei kiba heh, ba kynthup ia ka jingshna pynbha ia ka hospital, ka quarter ki nongtrei, ka top um ha tnum bad ka jingtyrwa ban tei pynheh ia ka hospital sha ka 70 jingthiah.
Ka jingpynbna ia ka Community Health Centre kaba rim, kaba la pyndonkam mynta kum ka tnad Outpatient, kala dei haduh 85 % ka jingpyntrei, katba ka jingshna ia ka top um kala dep kumba 70%.
U Myntri Rangbah ula bishar ruh ia ki jingthmu ban pynkha ia ka Neonatal Intensive Care (NICU), ka Blood Bank, ka Mother and Child Health (MCH) Wing ba 50 jingthiah, bad ka jingpynheh ia ka kamra ap ia kiba kha khun ban nang pynbha shuh shuh ia ki jingai jingsumar ia ki Kmieba ki Khunlung ba dang kha hapoh ka district.
Ban leh eiie halor ki jingduna ki doktor specialist, u Conrad ula bthah ia ki Ophisar ba kin pynsted noh shaid shaid ia ka jingthungkam. Ka District Health Society kala dep pynbna ia ka jinglait ki kam na ka bynta ki doktor Gynaecologist bad Paediatrician, katba ki sienjam ki dang iaid ban pynkhlain ia ka jingshakri ki Nurse bad Paramedic.
Ka jingbishar kam ka iakren ruh halor ka jingtyrwa kyntiew kyrdan ia ka Chokpot Community Health Centre (CHC) sha ka First Referal Unit, da ka jingbuh ia ki jaka aijingsumar ba bniah ia ki longkmie ba kha khun bad ki khunlung, ka Blood Storage Unit, ka Newborn Stabilisation Unit bad ki jingshakri ia ki nongpang bap hah na shabar.
Ka hospital kala sakhi ia ka jingnang kiew ka jingdawa naduh ba ka Operation Theatre kala sdang treikam ha u snem 2015. Ka hospital kala dep leh haduh 85 tylli ki surgery, kynthup 42 tylli ki Caesarean section, haba ai jingsumar haduh 20,108 ki nongpang outpatient bad 2,334 ki nongpang ba shah shah hapoh ka hospital ha u snem bala lah. Ha kine ki hynriew bnai jong u 2026, kila don haduh 10,143 ngut ki nongpang outpatient kiba wan shim dawai.
U Conrad ula ban jur ba ka jingpynheh ia ki jingtei ka dei ban long kiba lah ban shaniah, ka jingai jingsumar kaba bha ia ki paidbah ka South Garo Hills bad bthah ia ka tnad ka Koit ka Khiah ba kin bishar man ka por ia ka jingiaid jong baroh ki project.
