Shillong, Naitung 09 : U Myntri ka Tnad Animal Husbandry & Veterinary Bah Sanbor Shullai ula kyntu ia ki shipai Border Security Force (BSF) ba kin pynlong ia ka jingkhynra bad tehlakam ia ka jingkynnoh khaii tuh ia ki masi na West Garo Hills, hadien ki khubor ba kynnoh ia ka jingshalan ia ki masi sha khappud Bangladesh.
Ha ka shithi sha u Inspector General ka BSF Meghalaya Frontier OP Upadhyay, u Bah Sanbor ula pynpaw ia ki khubor jong ki lad pathai khubor halor ka jingiaid khlem ka jingpyrrkhing ka kam khaii tuh ia ki masi na Assam sha khappud ka Bangladesh lyngba ka West Garo Hills bad dawa ban tuklar noh kyrkieh da ki border outpost.
“La kyrpad kyrkieh ba ki BSF Outpost bad ki shipai kiba iada ia ki khappud ba kin sngewbha ban leh eiei noh mardor bad bthah ban leh da kaba tyngeh ha kaban pyrrkhing ia kane ka kam beain” ong u Myntri.
Ula kdew ia ki lynti iaid kiba la pynpaw ha ki khubor, bad ong “kila iaid lyngba ka Chibinang & Tura bad leit shaphang ka Chirangpara”.
Ka shithi kala kynnoh ruh ia ka jingsaphriang ka kam khaii tuh bad ka jingleh bein ia ki mrad ha kine ki lynti iaid.
U Bah Sanbor ula bthah ia u IG ba un pyntip lem sha u halor ki kam bala leh halor kane ka kam beain.
 ba kin pynlong ia ka jingkhynra bad tehlakam ia ka jingkynnoh khaii tuh ia ki masi na West Garo Hills, hadien ki khubor ba kynnoh ia ka jingshalan ia ki masi sha khappud Bangladesh.){kind=link}