Tang ha u 2026 la kem haduh 7 ngut ki nongkhaii droks na Lumsurvey
Shillong, Jylliew 22 : Ki Pulit ka Anti Narcotics Task Force (ANTF), kala pynlong ia ka jingkhyra kaba jur ia ki nongkhaii droks ha Lumsurvey, Shillong bad ioh kem ia arngut ki snar khaii drok nalor ka jingioh kurup ia u heroin ba khia haduh 16.1 gram.
Ki arngut ki snar kiba shah kem ki kyrteng ka Sabina Begum ba 21 snem, kaba sah ha Lumsurvey bad ba dei trai shnong na Tezpur, Assam, lem bad u Viru Singh uba sah ha Them Metor.
Na kine ki nongkhaii droks la ioh kurup haduh 16.1 gram u heroin ba thep ha kawei ka synduk sabon lem bad ki 47 tylli ki vials ba don bad u heroin nalor kawei ka mobile phone.
Kat kum ka jingiathuh u Superintendent of Police ka ANTF, Meghalaya, Vikash Kumar, IPS, kine ki arngut la suba ba ki dei shibynta jong ka Syndicate ba treikam ha Shillong bad ba pyniaid iew ia u droks.
U pyntip ba tang hapoh u 2026, ka ANTF kala register haduh 3 tylli ki case NDPS ba khaii droks tang na Lumsurvey bad haduh 7 ngut ki briew la ioh ban kem, ha kaba bun na kine ki briew ki dei kiba na Assam.
, kala pynlong ia ka jingkhyra kaba jur ia ki nongkhaii droks ha Lumsurvey, Shillong bad ioh kem ia arngut ki snar khaii drok nalor ka jingioh kurup ia u heroin ba khia haduh 16.1 gram.){kind=link}