Shillong, Jylliew 20 : U Myntri kam Iada Ri Rajnath Singh ula pynpaw ia ka jingdonkam sted ia ki technology, ka jingpeit bniah ia ki buit treikam bad ka jingwanrah ia ki buit treikam thymmai da ki borkhmih ban lah pynkhlain ia ki jingpynkhreh hapdeng ka jinglong jingman ki bym ithikna jong ka pyrthei mynta.
Haba iakren bad ki shipai ha ka Eastern Air Command HQ ha Shillong, ha ka sngi Saitjain, u Myntri kam Iada Ri ula ban jur ba ki jingma kiba bun, ki jingeh ha ki kor internet (cyber), ka jingtip halor ki thma, ki jinglah ban pynpoi marbam, bad ki drone kila long ki kam ba kongsan ha ka rukom long ki thma ba mynta bad ha kum kane ka khep, ka jingpynkhreh ba ju leh baroh shikatta kam pat biang satia na ka bynta ki bor iada ri.
U Rajnath Singh ula ban jur ia ka jingdonkam jong ka India ban kynthoh ia ka Aatmanirbhata ban pynthikna ia ka jingshngain ka Ri hala ka jong ka rukom pyniaid.
Ula pynpaw ba ka Operation Sindoor ka dei ka sakhi ia ka jingjop ban sah ha ka khana pateng jong ka jingpyrshang ka Ri ban shaniah halade, kaba la kamkhmat da u Myntri Rangbah Duh Narendra Modi.
“Lyngba ka Op Sindoor, ngi la pyni ia ki lehnoh bad ki nongpyniaid jong ki ba ka India kan ym iapein ia ka jingshngain bad ka jinglong laitluid. Ka jinglah, ka jingpeitngor, bad ka jingkut jingmut kaba skhem jong ki bor shipai jong ngi sa shisien kala pyni ia ka jingnang khlain bor ka India sha ka pyrthei. Ka jingpynkha kum ia ka Eastern Air Command kala long kum ka paralok ha kane ka jingangnud jongka Ri” ula bynrap.
Une u Myntri ula niew ia ka Eastern Air Command kum u rishot uba kongsan bha na ka bynta ka jingshngai jong ka Eastern Frontier ka ri India, haba ai jingiaroh ia ka jinglah ban shim ia ka bynta kaba kongsan bha ban pynkhlain ia ka jingshngain jong ka Ri.
“La ka dei ha madan thma, ha ka por ba shongsuk shongsain, ne ban mih iarap ha ki jingjia lynshop ki bor ka mariang, lane ka jingpyniaid ia ki khappud, ka Eastern Air Command kala iai pyni ia ka jingtbit ha ka rukom treikam, ka jingshlur bad ka jingaiti lut ha man ki jinglong jingman” ula ong.
U Rajnath Singh ula ai jingiaroh ia ki shipai ba shlur halor ka jingpyndep janai ia la ki kamram hapdeng ki jinglong jingman kiba eh bad ba tynjuh.
