Guwahati, Risaw 04: Ia ka metiap jong uwei u rangbah 32 snem rta la lapdien napoh ka pandal puja hapoh Goalpara district ka Assam hynnin ka sngi Nyngkong.
Kane ka jingjia kala jia hapoh Babupara Durga Puja pandal ha ki bynta jong ka Krishnai hapoh ka district.
Kim shym la don satia kino kino ki dak jingmynsaw ha une u briew, hynrei hadien ba ki bor pulit kila leit sha katei ka jaka kila shem ba ka sad jong ka tnum kala hap ha ka met jong une u briew.
Hadien la pynkit noh ia kane ka metiap na ka bynta ban leh ia ka postmortem.Na ka liang ki pulit kila pynithuh ruh ia une u briew kum u Pradip Rabha.
Na ka liang ki pulit ki suba jur ba une u briew ula khlad noh na ka jingshah tan ha ka bording ilektrik namar la lapdien ia ka pangkha hajan ka met jong u.
