Guwahati, Jylliew 12: Ki Pulit Railway ki la kem ïa khyndai ngut ki suba nong Bangladesh kiba ïaid ha ka Silchar-Guwahati Express ha ka por ba leh ïa ka jingpyn shisha ha ka sngi Palei.
Kine kiba la shah bat ha ki pulit ki kynthup ia hynniew ngut ki shynrang, kawei ka kynthei bad arngut ki khynnah. Kitei ki dei kiba leit da ka rel No. 15616 na Badarpur ban leit sha Guwahati, ha kaba la iathuh ba ki para nongleit nongwan, ki la sngew artatien bad ki la pyntip sha ki bor pyniaid rel.
Da kaba bud ryntih katkum katei ka jingtip, ki nongtrei rel ki la bat ia ki nongleit nongwan (passenger) bad ki la pynlong ban leh ia ka jingpynshisha ia ka jinglong jong ki.Ha ka jingkylli ba nyngkong bad ka jingpeit bniah ia ki kot ki sla, la kynnoh ba kitei ki briew kim shym la pyni ia ki kot ki sla ba biang jong ka jingithuh kum ki nong India ne ki jingpynshisha ba ki dei ki nongshong shnong, la iathuh ki heh sorkar.
Hadien kata la rah ia ki nongshah kem sha phatok ban pynshisha shuh shuh.
Katkum ka tyllong khubor na ki Pulit ka Railway, ki nongtohkit ki suba jur ba katei ka kynhun ka lah ban wan rung sha Assam lyngba ka khappud India bad Bangladesh ha Cachar district shwa ban kiew rel. Ki bor pyniaid ki dang bishar bniah ruh hato ki nongshah kem ki don jingiadei bad ka kynhun kaba kham heh kaba donkti ha kaba pynsuk ia ka jingleit jingwan beain ha ka thain khappud.
Ia kine ki briew kiba la shah kem la set mynta ha Paltan Bazar Railway Police station, ha kaba ki heh sorkar ki dang pynlong ia ka jingtohkit ban pynthikna ia ka jinglong trai jong ki bad ka jinglong nongshong shnong.
Ki pulit ki la iathuh ba ka jingtohkit ka dang iaid shakhmat, bad yn shim ia ki sienjam kiba biang katkum ka jinglap jong ka jingpynshisha.
