Shillong, Jylliew 02 : U Myntri Rangbah ka Jylla Conrad K Sangma ha ka sngi Ba-ar, ula plie ia ka Solar Photovoltaic (PV) Plant ba 50 KW ha St. Mary’s Higher Secondary School Shillong, kaba la pyntrei lyngba ka Chief Minister’s Solar Mission, kaba pyni sa uwei pat u mawjam ba kongsan sha ka jingpyndonkam ia ka bording ka bym lut shuh ne renewable energy bad ka roi ka par kaba neh hapoh ka Jylla.
Privileged to inaugurate the 50 KW Solar PV Plant at St. Mary’s Higher Secondary School, Shillong under the CM Solar Mission.
What makes this initiative meaningful is that we are not just installing solar panels, but creating complete solutions with battery backup systems that… pic.twitter.com/R9AExo3fW3
— Conrad K Sangma (@SangmaConrad) June 2, 2026
Ia ka project la pyntrei da ka Meghalaya New and Renewable Energy Development Agency (MNREDA) bad ka dei kawei na ki jingpyndait ia ki kor solar kaab heh duh ha ka jaka pule ha Meghalaya. Kane ka kor ba 50KW, kaba shongdor kumba T.50 lak, ka don ia ki battery ban kyrshan bad la khmih lynti ba kan synniang shikatde eh sha ka jinglah pyndap ia ka jingdonkam bording jong ka skul lyngba ka bording kaba khuid bad ka bym lut shuh.
Haba kren ha ka jingialang, u Myntri Rangbah Conrad K Sangma ula pynpaw ia ka jingkongsan ka bording ka bym lut shuh haba pyndonkam ha ka jingiakhun ia ka jingkylla ka suinbneng bad pynthikna ia ka lawei kaba dap ba biang na ka bynta ka Meghalaya.
“Ka bording bym lut shuh kam dei shuh tang ka jingmut-ka dei ka jingdonkam jong ka por” ula ong haba pynpaw ba ka jingnang jur ki jingktah jong ka jingkylla ka suinbneng ia ka mariang, ka kamai kajih bad ka jngim ba man ka sngi kala pynlong ia ka Sorkar bad ka imlang sahlang ban wad katba shem ia ki tyllong ban ioh ia ka bording kaba khuid.
Haba shim ia kane ka jingplie kum ka dak jong ka jingshimhia ka Sorkar Jylla ban pynmih ia ka bording ka bym lut shuh, u Myntri Ragbah ula ban jur ba ki sienjam jong ka roi ka par kaba jop ka donkam kham bun shah ban ia ka jingpyndonkam tang ia ki technology.
“Katba ka technology ka mih namar jong ngi ba ngin lah weng ia ki jingeh, ka technology hi dalade kam pat biang satia. Kaei kaba kham kongsan ka long la ngi lah ne em ban pynkylla ia kata ka technology sha ka lynti ban lah pynbeit” ula ong.
U Myntri Rangbah ula ong ba ka CM Solar Mission ka dei kaba la pynwandur kham pher da kaba pynleit jingmut ia ki lad ki lynti ban pynbeit ia kiei kiei naduh kaba sdang haduh kaba kut ban kaba kut tang ha ka jingpyndait. Nalor ki solar panel, ki jaka pule kila ioh ruh ia ki inverter bad ki battery ban kyrshan ia ka bording bala pynlang na ka bynta ban pyndonkam ha ka por ba duna ka sngi lane thut ka bording.
Haba batai ia ka jingheh jong ka Mission, ula pyntip bap alar 1.5 MW ka jingtan bording na ka sngi lah dep ban pyndait hajan 700 tylli ki skul ha kylleng ka Meghalaya hapoh ka CM Somar Mission, katba ka jingpyntrei sa ha ki 1300 tylli kin sa sdang noh shen.
U Myntri Rangbah ula pynpaw ruh halor ka jingiohnong na kane ka project bad ong ba kane ka jingpyndait ia ka solar la khmih lynti ba kan iarap ia ka skul ban ioh pynlang kumba 6,000 unit ka bording manla u bnai, kaba kot ia ka jingioh pyn lang pisa ba jan kot T.40,000 shibnai lane jan kot ia ka T.5 lak shisnem.
Ula pynbna ruh ia ka jingthmu ban pyndait lang ia ki kor ba don bad ki meter, ka ban pynlah ban pynpoi ia ka bording ba la pynmih tam ha ki kut taiew bad ki sngi shuti sha ka power grid.
“Katto katne tylli ki Shnong, katto katne tylli ki Iing, katto katne tylli ki longiing kin ioh jingmyntoi na ka bor ding ba pynmih na kane ka skul” ula ong haba bynrap ba lada 2000 tylli ki skul ha Meghalaya ki iashimbynta ha kane ka prokram, da ki spah tylli ki longiing kin ioh jingmyntoi na ka bording ba khuid bala pynmih da kine ki jaka pule.
U Myntri Rangbah ula pynbna ruh ba ka Sorkar Meghalaya kan sa pynlong shen ia ka jingiakop State-Level Technology and Innovation da ka jingthmu ban pynshlur ia ki khynnah skul, ki nongwanrah ia ki buit thymmai bad ki nongsengkam ba dang khynnah ba kin thaw ia ki lad ki lynti kiba treikam ban weng ia ki jingeh ha ki kam kum ka jingpynmih bording, ka jingpyniaid ia ki jaboh jabain, ka jingsam um, ka koit ka khiah bad ka rep ka riang.
“Ka Sorkar kan kyrshan ia ki idea kiba biang tam. Ngim ym shu ai khusnam ia kiba jop. Ngin bei tyngka ia ki startups ne ki kam ba ki seng thymmai, iarap ia ki ban pyntreikam ia ki lad ki lynti ba ki wanrah bad kyrshan ia ki ha kaban pynroi ia ka kam jong ki” ula ong.
Kiwei pat kiba la ai jingkren ki kynthup ia u Dr. Joram Beda, Commissioner & Secretary, Power Department, Sr. Sonia Chacko, Principal of St. Mary’s Higher Secondary School, bad kiwei kiwei.
Hadien kane ka prokram, u Myntri Rangbah ula plie ia ka 50KW Solar PV Plant da kaba ot-ribon ha ka tnum iing jong ka skulk aba pyndait ia ki solar panel. Ula iakren ruh bad ki bor pyniaid skul, ki khynnah skul bad ki Ophisar bad leit jngoh ia ki jingdon jingem ha ka skul.
 Plant ba 50 KW ha St. Mary’s Higher Secondary School Shillong, kaba la pyntrei lyngba ka Chief Minister’s Solar Mission, kaba pyni sa uwei pat u mawjam ba kongsan sha ka jingpyndonkam ia ka bording ka bym lut shuh ne renewable energy bad ka roi ka par kaba neh hapoh ka Jylla.){kind=link}