Shillong, Jylliew 02 : Ka Deputy Commissioner (Supply) ka East Khasi Hills, kala kyntait ia ki khubor hamsaia bad khubor thok ba saphrang ha ki social media halor ka jingkynnoh ba duna bad kiew dor ka petrol bad diesel hapoh ka District.
“Ia ka jinglong jingman la peitthuh bha da ki bor district, bad la shim lut ia baroh ki sienjam ban pynthikna ia ka jingioh bad jingsam ba khlem thuh ia ki umphniang kali bad LPG ha baroh kawei ka District” ong ka DC ha ka kyrwoh ha ka sngi Ba-ar.
La bthah ia ki nongshongshnong ba kim dei ban ngeit lane pynsaphriang ia ki jingtip ki bym pat pynthikna. “La kyrpad iaki paidbah ba kin shaniah haki jingpyntip bad ki khubor ba pynlait da ka Sorkar ban ioh ia ka jingtip kaba dei” ong ka kyrwoh.
Ka bor district kala kyntu ruh ia ki nongshongshnong ba kin kiar na ka jingthied lypa lane buh lypa ia ki umphniang, haba pynpaw ba kum kine ki jingeh ki lah ban ktah ia ka jingsam kaba ju iaid manka sngi.
Haba ai ka jingmaham kaba tyngeh, ka bor district kala ong “Yn pynshitom da kaba tyngeh pyrshah ia ki briew kiba pyn saphriang ia ki khubor thoh, ki khubor hamsaia lane ki jingthoh ba ialam bakla kiba lah ban pynkulmar jingmut ia ki paidbah”.
 ka East Khasi Hills, kala kyntait ia ki khubor hamsaia bad khubor thok ba saphrang ha ki social media halor ka jingkynnoh ba duna bad kiew dor ka petrol bad diesel hapoh ka District.){kind=link}