Shillong, Jymmang 15 : Ka Bharatiya Janata Party (BJP) kan sa pynbna ia u kyrtong sha ka elekshon shiteng samoi ka Shillong Lok Sabha tad hadien ba ka Election Commission of India (ECI) kala pynbna ia ka tarik jong ka sngi thep vote, ong u Nongaiktien ka BJP Bad M Kharkrang ha ka sngi Thohdieng.
“Ka BJP kan pynbna iaka kyrteng u kyrtong hadien bala pynbna tarik da ka Election Commission of India” ong u Bah Kharkrang haba iakren bad ki nongthoh khubor.
Haba pynbna ia ka jingpynslem, ula ong “Kane ka dei ka rukom treikam ka party. Phi la iohi ha ka elekshon balalah ruh ngi la ap tad haduh ban da pynbna ia ka tarik. Kumta, kane ka dei ka rukom treikam, long kiba iai shah, ap”.
Haduh mynta, ka National People’s Party (NPP) kaba synshar ia ka Ri kala pynbna ia ka kyrteng u President ka Khasi Author Society Dr DRL Nonglait kum u kyrtong ka party.
Ka Liang Pyrshha Voice of the People Party (VPP) kala pynbna ia ka kyrteng u Prof Batskhem Myrboh katba ka Congress kala pynkhreh ban pynieng ia u MP bala jop lai sien ka Shillong bad President ka MPCC bad Vincent H Pala. Ka UDP kan dang ban shim rai halor kane ka kam.
 kan sa pynbna ia u kyrtong sha ka elekshon shiteng samoi ka Shillong Lok Sabha tad hadien ba ka Election Commission of India (ECI) kala pynbna ia ka tarik jong ka sngi thep vote, ong u Nongaiktien ka BJP Bad M Kharkrang ha ka sngi Thohdieng.){kind=link}