Shillong, Jymmang 15: U Bah Netnobiweit Khongsdoh naka shnong Pynter, East Khasi Hills ula kyntait iaka jingkam ki katto katne ba u khun jong u, u khlad namar ka jingbam daki kynja iit.
U Bah Netnobiweit ula kynnoh ba u khun jong u, u Trophimos Khongmawloh ula khlad namar ka jingshah bom shah tied ha u Rangbah Shnong ka shnong Pynter u Bah Fullmoon Khongsdoh lem bad katto katne ki dkhot Village Defence Party (VDP) ia kaba u tip kyrteng tang uwei kata u Batista Nongrum.
Haba kren shaki lad pathai khubor ha Shillong u Bah Netnobiweit ula ong ba ka jingwan mih jong u sha Shillong kadei namar ba u kwah ban pyntip paidbah ba u khun jong u, u khlad namar ba u la shah bom shah tied ha u Rangbah Shnong Pynter bad ki dkhot ka VDP.
“Nga kwah ba kane ka jingjia ia u khun jong nga kan poi sha ki bor ba halor bad nga la dep ruh ban ujor daka ejahar khnang baka ain kan leh iaka ba donkam” la ong u Bah Netnobiweit.
Ula iathuh ba ula dep ban ujor daka ejahar ha Pynursla Police Station haka 9 tarik halor kane ka jingshah shoh u khun jong u.
“Hoid don kiba kynnoh ba u iap ba bam iit, hynrei kumba paw haka Video ngam ngeit ba u iap ba bam iit, u ioh iit nangno, haba haka Video la iohi shai ba u shah shoh shah dat” ula ong.
