Shillong, Iaiong 27 : Ka Ophis ka Deputy Commissioner, East Khasi Hills District, kala pynmih ia ka jing bthah ba kyntu ia ki paidbah nongshongshnong ba kin phikir bha ialade ha kine ki san sngi ban wan namar ka jinglong jingman ka suinbneng hapoh ka District.
Kat kum ka jingbthah bala pynmih da u u Addl. Deputy Commissioner & CEO (DDMA), la iathuh ba kat kum ka jingpyntip lypa da ka Ophis ka India Meteorological Department, kan don ka jingther u slap ha ryngkat ka lyer kaba jur ha kine ki san sngi ban wan kata naduh ka 27 tarik Iaiong haduh ka 1 tarik Jymmang 2026.
Kane harum ka dei ka jingbatai lypa jong ka IMD :
1. 27th April, 2026- Ka lyer bajur 50-60 kmph ryngkat bad u slap ba jur bad ka leilieh.
2. 28th April, 2026-, Ka lyer bajur 40-50 kmph ryngkat bad u slap ba jur bad ka leilieh.
3. 29th April, 2026- Ka lyer bajur 40-50 kmph ryngkat bad u slap ba jur bad ka leilieh.
4. 30th April, 2026- Ka lyer bajur 40-50 kmph ryngkat bad u slap ba jur bad ka leilieh.
5. 1 May, 2026- Ka lyer bajur 40-50 kmph ryngkat bad u slap ba jur bad ka leilieh.
Kine harum ki long ki lad jingiada.
1. Khmih bad pynskhem bha ia ki tiar ki tar kiba lah ban shah rong ha ka lyer kum ki thup dieng, ki tin sop lane mawit ba shong synjor, ki tin/ sop theh nuit, ki sign board bad kiwei kiwei ki mar kiba lah ban shah rong ha ka por ba jur lyer.
2. Lada ka jingba leilieh ka long kaba jur bad nehslem kan bha ‘shibun ban nym pyndonkam ne ban pynmeh ia ki tiar elektrik kum ki mobile, isteri, radio, telebision bad kiwei kiwei ki tiar kiba pyndonkam da ka bor elektrik.
3. Ki nongshong shnong kidei ban long kiba phikir ban iada ialade namar ka jingshlei um ka lah ban jia hadien jong u lapbah khamtam ha ki jaka kiba harud jong ki wah bad ki wahduid.
4. La kyntu ia ki paitbah ban kiar na kaba jam ia ki wahduid, ki wahbah bad ki kshaid ha ka por ba jur slap. Phim thikna ia ka bor jong ka bad ka um kaba jyndong bad tuid sted ka lah ban pynkyllon ia phi.
5. Wat tur ne niah ia ki kali haba don ka jingshlei um bad kiar na ki post electrik ban lait naka jingshah bat ha ki bor electrik. Phone ha u 112 lada donkam jingiarap haba don kino kino ki jingjulor.
La kyrpad ia ki paitbah ban long kiba phikir bad shim ia ki lad jingiada ban lait na kino kino ki jingmynsaw.
