Guwahati, Iaiong 20: Ka Iingkashari jong ka Guwahati ka la kyntait ïa ka jingkyrpad jong ki Pulit ka Assam kiba pan ïa ka non-bailable warrant (NBW) pyrshah ïa u Pawan Khera, u nongïalam ka Congress, ha kaba ïadei bad ka case ba la mudui da ka lok jong u Myntri Rangbah ka Jylla, u Himanta Biswa Sarma, ba kynnoh ba u don bun tylli ki passport bad ki jingdon jingem kiba na bar ri.
Ia kane ka hukum lapassed da u Chief Judicial Magistrate (CJM), Kamrup (Metro), ha ka 7 tarik Iaiong, bad la pynbna paidbah ha ka 19 tarik Iaiong.
Ha ka rai jong ka, ka ïingbishar ka la ïohi ba ki nongrim ba la kdew da u investigating officer ki long “ba la pynshong nongrim pura ha ki jingmutdur” bad ki duna ïa ki sakhi kiba kyrshan.
Shuh shuh ka la kdew ba namar ba katei ka case ka long kaba lah ban tip bad kaba kynthup ia ki kam bym lah ban ai jamin, u investigating officer u la don lypa ia ka bor ban kem ia u nongshah kynnoh katkum ki kyndon ba iadei jong ka Bharatiya Nyaya Sanhita, katkum ki kyndon ba la buh da ka Supreme Court jong ka Ri India.
“Halor katei ba la kdew haneng, ïa ka jingkyrpad ban pynmih ïa ka Non-Bailable Warrant ym lah ban pdiang bad kumta la kyntait ha kane ka bynta,” ong ka ïingbishar.
Ia kane ka case la register da ka Guwahati Crime Branch hapoh ka Section 175 (false statement in connection with an election) bad 318 (cheating ne ka jingleh thok) jong ka Bharatiya Nyaya Sanhita, katkum ka jingujor ba la mudui da ka Riniki Bhuyan Sharma ha ka 6 tarik Iaiong.
Ha ka jingujor jong ka, ka Sharma ka la kynnoh ba ki jingkren ba la pynmih da u Khera ha ki ar tylli ki jingïalang bad ki nongthoh khubor ha ka 5 tarik Iaiong—kawei ha New Delhi bad kawei pat ha Guwahati—ha kaba ïadei bad ka jingkynnoh jong u ba ka don bun tylli ki passport, ki “golden card,” bad ki jingdon jingem kiba nabar ri ki long kiba lamler bad ki bym don nongrim. Ka la kynnoh ruh ba ki kot ki sla ba la kdew da u nongïalam ka Congress ki dei “ki kot ki sla kiba thok, kiba la shna thok,” bad ki thmu ban ïalam bakla ïa ki paidbah ha ka por elekshon.
 pyrshah ïa u Pawan Khera, u nongïalam ka Congress, ha kaba ïadei bad ka case ba la mudui da ka lok jong u Myntri Rangbah ka Jylla, u Himanta Biswa Sarma, ba kynnoh ba u don bun tylli ki passport bad ki jingdon jingem kiba na bar ri.){kind=link}