Shillong, Iaiong 16 : Ka Election Committee ka Khasi Students’ Union (KSU) ha ka sngi Palei, kala pynbna ba u samla Raymond Kharjana un sa shimti kum u President ba thymmai ka KSU namar ka jingbym don kiba iakhun pyrshah ia u ha ka elekshon jong ka Central Executive Committee (CEC), ka ban long la 9 tarik Jymmang.
Nalor ka kam President, sa artylli ki kam kiba la pynbna jop ia ki kyrtong khlem ka jingialeh pyrshah bad kine ki dei ka kam Vice President bad General Secretary.
U samla Pynkmenlang Sanmiet, u research scholar ka tnad Ain bad u samla Reuben Anderson Najiar uba dei u Law Graduate kim shimti ia ka kam Vice President bad General Secretary.
U Samla Raymond Kharjana u dei u graduate ha ka Computer Application.
Ka Electon Committee, bala thung da ka KSU-CEC ban pyniaid ia ka elekshon, ha ka 15 tarik Iaiong kala pyndep ia ka jingbishar ia ki kot ki sla jong ki 38 ngut ki kyrtong ki ban iakhun ia ki 10 tylli ki kam ha ka elekshon jied nongialam CEC ka KSU.
Ka jingiathep vote kan long ha Dinam Hall, Jaiaw naduh ka por 7 baje mynstep haduh 3 baje janmiet.
 ha ka sngi Palei, kala pynbna ba u samla Raymond Kharjana un sa shimti kum u President ba thymmai ka KSU namar ka jingbym don kiba iakhun pyrshah ia u ha ka elekshon jong ka Central Executive Committee (CEC), ka ban long la 9 tarik Jymmang.){kind=link}