Shillong, Apr 12: Ka Meghalaya Football Association kala pyllait ia ki tarik jong ki jingialehkai na ka bynta ki Group ne kynhun ha ka 5th Meghalaya State League (MSL 5), kaba dei ka rynsan ialehkai football kaba heh hapoh ka jylla Meghalaya kaban sdang naduh ka 15 tarik u Iaiong.
Kin don 33 tylli ki kynhun na kylleng ki bynta kiban iakhun ha ki 8 tylli ki Group bad kin don baroh 104 tylli ki jingiakhun mynta u snem kaba la pynlong syndon ia kane ka MSL ban thaw ia ka histori ha lympung iakob ialehkai.
Ka Mawlai SC kadei kaba bat ia ka nam lahduh bad la pynngat ia ka ha ka Group C ha kaba ki jingialehkai kin long ha Amlarem. Hynrei ia kane ka jingiakob ialehkai yn pynsdang da ka jingiakhun hapdeng ka Nongkseh SSCC pyrshah ia ka Khimusniang SC ha ka Shillong Sports Association Stadium ha Polo, ha ka sngi Balang ha ka por 5 baje janmiet katba kiwei pat ki jingiakhun kiba long ha kylleng ki jaka kin sdang ha ka por 3 baje mynsngi.
Ha man la ki Group kan don ka jingiakhun arsien ia kajuh ka kynhun bad ki 2 tylli ki kynhun kiba bat ia ki kyrdan kiba shakhmat kin ioh rung sha ka Pre-Quarterfinals, kaban sdang ha u bnai Jymmang.
Ban buh hakhmat ia ka thong jong ka jingiohi jngai ka MSL ban pynlong ia kane ka jingialehkai ha kylleng ki bynta jong ka jylla, ha kane ka samoi ialehkai kaba 5, yn pynlong ha ki artylli ki jaka kaba kynthup ia ka Williamnagar bad Amlarem kiban long ki jylla kiban pynlong lang ia kane ka jingiakob bad nalor kane ka
Mairang kan wanphai biang kum ka jaka ban pynlong ia ka jingiakhun hadien ba kala dep ban pynlong ha ki snem bala dep ia ki jingialehkai ha ka jingplie pyrda ia ki jingailehkai jong ka MSL.
Ia ka MSL la pynwandur da ka MFA bad kala ioh ia ka jingkyrshan kaba pura na ka Directorate of Sports and Youth Affairs, ka Sorkar Meghalaya, naduh ba la sdang ia ka ha u snem 2017. Kane ka lympung kala wanrah lang ia ki kynhun kiba tbit tam na kylleng ki District Associations kiba la pyniasoh bad ka MFA hapoh jong kawei ka lympung iakob ban iaknieh ia ka nam lahduh kum ka “Champions ka Meghalaya”. Mynta ka snem kane ka jingiakob kan long kaba kyrpang namar la pynlong ia ka kum shi bynta jong ka jingrakhe ka MFA ia ka jubili ksiar ka jongka.
Ha ka samoi ialehkai kaba la dep, ka jinglong jingman ha ka kyrdan ka MSL kala nang kiew bha ha baroh ki kyndong kynshrot jongka Meghalaya ha ryngkat bad ka nam bad burom khlem da kdew ia ka khusnam da ka song tyngka, baroh ki nongialehkai kila ioh mynsiem bad kila iakhun tyngeh ban ioh ia ka nam lahduh ne Champion jongka Meghalaya bad la khmih lynti ba ha kane ka samoi kaba mynta ruh kane ka jingiakob kan long kaba shongshit bha.
Group A (Shillong, SSA Stadium) – Nongkseh SSCC (Shillong Sports Association), Mawshun SCC (Riwar Mihngi Football Association), Khimusniang SC (West Jaintia District SA), Umkaber SCC (Tyrsad Area SA).
Group B (Shillong, MFA Turf) – Nangkiew Irat SC (Shillong SA), Mulang SC Nongbah (West Jaintia DSA), Mawlum Tyrsad SCC (Tyrsad Area SA) bad ka Mawphu SC (Sohra SA).
Group C (Amlarem) – Mawlai SC (Shillong SA), Amlarem SC, Lamin XI SCC (both Amlarem Sub-Division SA) bad ka Laskein SCCC (Laskein Block SA).
Group D (Khliehriat) – Ladthadlaboh SC (West Jaintia DSA), Rymbai Shkenshynriah SC, Thangskai Tiger SC (both East Jaintia DFA) bad ka Jalaphet Moochut Pyrdung SC (Saipung Block SA).
Group E (Wahiajer) – Shillong Lajong (Shillong SA), Lumphyrnai Lumsohphoh FC (Thadlaskein SA), Iatyllilang Lumsehkot SCC (Laskein Block SA) bad ka Lamyrsiang SCC (Saipung Block SA).
Group F (Mairang) – Langsning FC (Shillong SA), Mishon SCC (Pyndengumiong DSA), Umlakro FC (Western Ri-Bhoi DSA) bad ka Lawbah SC (Eastern Border SA)
Group G (Williamnagar) – A’chik SCO Rongjeng (East Garo Hills DSA), Attong Matgrik FC (South Garo Hills DSA), Maram FC (Tura DFA) Balmanduri FC (North Garo Hills DSA) bad ka Janepih Youth SCA (Mawshynrut SA).
Group H (Mawkyrwat) – Rangdajied United FC (Shillong SA), Mawten SC (Mawkyrwat DSA), Mawlarshong SC (Nongstoin DSA) bad ka Umdang SC (Mawshynrut SA).
, kaba dei ka rynsan ialehkai football kaba heh hapoh ka jylla Meghalaya kaban sdang naduh ka 15 tarik u Iaiong.){kind=link}