-->

Bthah ka Iingkashari ia ka MoD ban ai jingmynjur kloi ia ka jaka ban pynkynriah Them Metor

Date:

Share post:

Shillong, Iaiong 08 : Ka Iingkashari Meghalaya High Court kala bthah ia ka Ministry of Defence (MoD) ba kan pynkloi ha ka ban ai jingmynjur ia ka jaka hajan ka Contonment Board, kaba la ithuh ban pynkynriah ia ki 342 tylli ki longiing ka Them Metor na Them Iew Mawlong.

“Ngi khmih lynti ba ka Regional Office jong ka Ministry of Defence, Kolkata, ba kan pynsted ia ki kam ki jam hashuwa ka sien shong bishar ban wan” ong ka Division Bench ba kynthup ia ka Chief Justice Revati Mohite Dere bad Justice W Diengdoh ha ka hukum ba pynmih ha ka sngi Ba-ar.

Ka Iingkashari kala pynkynriah ban shong bishar ia ka jingkyrpad ka Harijan Panchayat Committee sha ka 20 tarik Jymmang, 2026, haba pynpaw ba ka jingiakren ban pynbeit hapdeng ki liang mamla ka dang iaid shakhmat mynta.

“Naba ka jingiakren iapynbeit ka dang iaid, ki nongiasaid jong ki liang mamla kila pan por..Lah mynjur ban aipor” ong ka Iingkashari ha ka hukum.

Ha kane ka jingbishar, u Advocate General A Kumar ula pyntip ia ka Iingkashari ba lah dep ban ithuh ia ka jaka ban pynkynriah ia ki longiing na Them Metor.

“Ia ka jaka lah dep ban ithuh marjan ka Contonment Board bad ka jingmynjur ban pynlait ia ka jaka ka dang sahteng hapoh ka Regional Office jong ka Ministry of Defence, Kolkata” ong ka Iingkashari.

Share post:

-->
spot_img

Popular

More like this
Related

Iathuh ia ka khana ba pura | Kyrshan ka NPP ia ka CAA hadien ba lait ka Meghalaya, ong u CM ia u Dr...

Shillong, Naiwieng 19 : U Myntri Rangbah Conrad K...

Don ryngkat ka Sorkar bad ki nonghikai deficit hynrei hap khmih bha ba ktah ia ka pla tyngka :CM

Shillong, Naiwieng 20: U Myntri Rangbah ka jylla u...

Pynthikna u CM ban nym hiar shuki u Bah Prestone | Ka Sorkar ka treikam kum ka kynhun

Shillong, Naiwieng 20 : U Myntri Rangbah ka Jylla...

Sngewkhia ka Sorkar Pdeng ia ka jingiaid laitluid-ka jingeh ba hakhmat halor ka MRSSA Bill : CM

Shillong, Naiwieng 20 : Ka Meghalaya Residents Safety and...