Shillong, Iaiong 07 : Ka Meghalaya Board of School Education (MBoSE) kan pynlong ia ka eksam SSLC Supplementary 2026, bad ka jingaiti ia ki form online kan sdang naduh ka 14 tarik Iaiong.
Ka jingpynbna bala pynmih da u Director of Accreditation & Controller of Examintation, MBoSE, Bah TR Laloo ha ka sngi Ba-ar la ong ba ka sngi sdang ban pyndap ia ki form online ka dei 14 tarik Iaiong katba ka sngi ba khatduh ka dei 21 tarik Iaiong.
Ki sngi kiba lah ban pynlong ia ka eksam ki dei naduh ka 1 tarik Jymmang haduh 8 tarik Jymmang 2026.
“Ki khynnah kiba khlem pass ia ka main eksam SSLC ki lah ban aplai ia ka eksam supplementary ha baroh ki sobjek ba ki khlem pass” ong ka jingpynbna.
Kala bynrap ba ki khynnah “ki dei ban aplai lyngba ki Supplementary Examination Centre bala buh, ki ban sa pynmih jingpynbna ha kine ki khyndiat sngi ban wan”.
Ia ki jingtip ba bniah halor ka eksam yn lah ban ioh ha ka website www.mbose.in.
 kan pynlong ia ka eksam SSLC Supplementary 2026, bad ka jingaiti ia ki form online kan sdang naduh ka 14 tarik Iaiong.){kind=link}