Shillong, Iaiong 03 : Ka Election Committee ka Khasi Students’ Union (KSU) kala pynkut noh ia ka samoi treikam ka Central Executive Council (CEC) 2023-26 bad thung ia ka caretaker body kaba ialam hi da u President bad General Secretary ban leit noh.
“Ka jingiathep kyrteng jong ki kyrtong na ka bynta ka elekshon sha ka Central Executive Council ba 16, jong u snem 2026-29 kan sdang naduh ka 4 tarik Iaiong” ong u Bah Samuel B. Jyrwa, Secretary ka Election Committee.
Ka elekshon kan long na ka bynta ki 10tylli ki kam ba kynthup ia ka kam President, Vice President bad General Secretary.
Ki tarik ba kkongsan na ka bynta ka elekshon ki long : Ka jingthep kyrteng naduh ka 4 tarik Iaiong haduh 13 tarik Iaiong, ka jingweng kyrteng kan long ha ka 14 tarik Iaiong bad ka jingbishar kyrteng kan long ha ka 15 tarik Iaiong.
Ia ka elekshon la buh ban pyndep ha ka 9 tarik Jymmang.
La bthah ia baroh ki Unit bad ki Circle ba kin pynsangeh shuw ia kaban jied nongkitkam thymmai lane pynkha unit tad haduh ban da dep ka elekshon.
 kala pynkut noh ia ka samoi treikam ka Central Executive Council (CEC) 2023-26 bad thung ia ka caretaker body kaba ialam hi da u President bad General Secretary ban leit noh.){kind=link}