Nongpoh, Lber 18: U MLA ka Jirang Constituency bad Myntri sorkar Bah Sosthenes Sohtun, ha ka sng Balang, u la lum kyrkieh ia ka jingialang bad ki Block Development Officers (BDO) ka Jirang bad Umling C&RD Block ban iakren halor ki jingpynjulor ka eriong bad u lapbah ia ki Iing ki sem bad ki jingthung jingtep hapoh ka thain.
Ia kane ka jingialang la pynlong ha Byrnihat IB bad la wan iashimbynta da u BDO ka Jirang Block Dr Hajong, ka BDO ka Umling Block Ayushi Pradhan lem bad ki Ophisar.
Palat hajar tylli ki Iing kila shah pynjulor ha ka jingsyllad ka eriong bad u lapbah ha ki 147 tylli ki shnong kiba hap hapoh ka Jirang bad Umling Block ha ka miet 16 tarik Lber.
“Nga la pan ia ka kaiphod halor ki jingjulor bala wanrah da kane ka eriong bad ki jingtip halor ka jingleit sam ia ki lad jingiarap ba kyrkieh sha ki lanot” ong u Bah Sosthenes haba ai ka jingiaroh ia ki BDO bad ki Ophisar, kiba la shimkhia mar mar ban leit ai ia ki jingiarap ha ka por kaba biang.
U pyntip ba shen hadien ba ula ioh pdiang ia ka kaiphod ba pura, kum u nongmihkhmat, un sa leit ban jurip bad sam ia ki lad jingiarap sha baroh ki lanot kiba shah ktah.
 ka Jirang bad Umling C&RD Block ban iakren halor ki jingpynjulor ka eriong bad u lapbah ia ki Iing ki sem bad ki jingthung jingtep hapoh ka thain.){kind=link}