Shillong, Lber 16: Ki bor pyniaid district ka East Khasi Hills kila pynmih ia ka jingpynbeit thymmai ia ka dor bai pynieng kali ha ka Multilevel Car Park, kaba don ha Vivekananda Road hajan ka Additional Secretariat.
Katkum ka hukum kaba la pynmih da ka Deputy Commissioner, ki kali rit ne LMV kin hap ban siew T.20 na ka bynta ka shi kynta kaba nyngkong eh bad hadien kane kin hap ban siew T.10 man la ka shi kynta, yn hap ban siew T.150 kaba bun tam ia kaba man la ka sngi bad T.100 tyngka na ka bynta ka jingpynieng mynmiet da kaba shim ia ka electronic ticketing.
Ia kane ka hukum la pynmih lyngba ka jingbthah jongka Urban Affairs Department kaban treikam naduh ka 13 tarik u Lber.
