Khangkdong ki paidbhur ia ki Pulit ka Jylla, hap siat ban iada ialade
Shillong, Lber 11 : Ki Pulit ka Jylla Meghalaya, kila ioh ban kem ia u nongialam jong ka kynhun ki runar ba kyndang ia ki Automated Teller Machine (ATM) ha East Khasi Hills, na ka Jylla Haryana.
Ia une u runar la leit kem ha ka miet sngi Ba-ar da ka jingiarap lang ki Pulit ka Haryana. Une u runar u kyrteng u Razul Khan uba dei na Nuh, Mewat, Haryana.
Ha kane ka jingleit kem ia une u runar, ka kynhun ki Pulit ka Meghalaya kala shah khang kdong ha ki paidbhur ha Nuh, Mewat da ka jingthmu ban pynlait ia u Razul Khan na ka kti ki Pulit.
Kine ki paidbhur kila thombor ia ka kali ki Pulit ka Jylla, kaba la pynbor ia ki Pulit ba kin hap siat da ki ktang suloi ban iada iala ka jingim.
Ha kane ka jingjia, uwei u briew ba kyrteng u Tarif Khan ula mynsaw na ka kjat bad la pynkit ia u sha PGIMS, Rohtak ban ai jingsumar.
Ki Pulit kila register case pyrshah ia 12 ngut ki briew kiba don ha kane ka kynhun kyndang ATM.
Ha Shillong, ki Pulit ka East Khasi Hills kila ioh ban kem ia katto katne ngut ki briew na kylleng ka jaka kynthup na Mawlai Nongkwar, uba uba don ka jingiadei bad ki nongmihkhmat paidbah.
Ki Pulit ki dang pynlong ia ka jingtohkit kaba bniah ia kine ki runar.
 ha East Khasi Hills, na ka Jylla Haryana.){kind=link}