Shillong, Lber 11 : Ki samla Garo na kylleng ka nongbah Shillong, kila iamih paidbah sha ka rally ban pyrshah ia ka jing pynibor ki bar jylla ha ki jaka them (plain belts) jong ka West Garo Hills District, kaba don mynta hapdeng ka jingkulmar na ka jingkynad pher Jaidbynriew.
Kane ka jingiakynad kala mih hadien ka jingkhang pyrshah ki sengbhalang ia ki bar jylla ba kin thep kyrteng kum ki kyrtong bad ban iashimbynta ruh ha ka elekshon sha ka Iingdorbar ka Garo Hills Autonomous District Council (GHADC) kaba la buh ban long ha ka 10 tarik Iaiong.
Kane ka rally ha Shillong ka dei kaba la pynbeit da ka Confederation of Meghalaya Social Organisations (CoMSO) ha Motphran hynne ka sngi Balang.
Ki samla Garo kynthup ki nongialam bad nongkitkam ka Garo Students Union (GSU) Khasi Hills Zone, kila iamih ryntih ban iashimbynta ha kane ka rally.
Ka CoMSO kala pynbna ia kane ka jingialang kum ka dak ban pyni ia ka jingiadon ryngkat bad ki paid Achik (Garo), kiba pyrshah ia ka jingiashimbynta ki bar jylla ha ka elekshon GHADC bad ruh ia ka jingnang kharoi ki poi ei na Ri Bangladesh ha ri-lum Garo.
Kat kum ka jingong ki nongialam ka CoMSO, ka jingwan rung beain ki poi ei ka buh jingma ia ka jingdon paid ki riewlum, ka hok halor ka khyndew ka shyiap, ka jingiada kat kum ka riti synshar ka ri kaba la mang kyrpang ia ki trai ri.
Namar kane ka rally, baroh ki dukan jong ki bar jylla ha ka thain Police Bazaar, GS Road bad Motphran kila khang khyrdep lut namar ka jingsheptieng ioh mih kano kano ka jingkulmar.
Ki Pulit ka East Khasi Hills kila pynkhlain bha ia ki bor pahara ha ka thain Motphran – Police Bazaar naduh ka por mynstep ban pynthikna ba kane ka jingialang kan iaid beit iaid ryntih bad ba kan nym pynmih ia ka huri hura ha Shillong bad ki jaka ba marjan.
 jong ka West Garo Hills District, kaba don mynta hapdeng ka jingkulmar na ka jingkynad pher Jaidbynriew.){kind=link}