Shillong, Lber 03: U MLA ka BJP Bah AL Hek u la pynpaw ïa ka jingskhem ba ka party kan sa leh bha ha ka elekshon ban wan jong ka Garo Hills Autonomous District Council (GHADC) ka ban long ha ka 10 tarik Iaiong.
“Ngi don ka jingkyrmen ba ngin lah ban leh bha ha ka elekshon GHADC ban wan” ong u bah Hek.
“Ngi dang pyrshang ban ioh kyrtong na baroh 29 tylli ki constituency hynrei haduh mynta ngi la ioh aplikeshon tang na ki 19 tylli ki constituency, kane ka dei ka thup kyrteng ba nyngkong” u la bynrap .
Haba iadei bad ka jingbym shah iaki kyrtong bym dei ki riewlum ban ïakhun ne thep vote, u Nongaiktien ka BJP Bah M Kharkrang u la ong ba ka BJP kam pat rai eiei halor kane namar iaka notification dang shu pynbna dang shen.
“Phi dei ban kylli ia kane ka jingkylli na ki namar kham mynshwa ki ailad… mynta hi na ka liang ka party, ngim pat rai eiei… namar kane ka jingpynbna ka dang shu mih. Ka dang kloi palat ban kren eiei halor kane.” u la ong.
Haba kylli halor ka elekshon MLA ha Assam, u Bah Hek u la ong ba ia ki nongialam la bynshet ba kin leit ialap elekshon ha kano kano ka jaka ba ka Assam BJP ka kwah ia ki.
“Kata kan shong ha ki nongialam ka Assam BJP. Kano kano ka constituency ba kin bthah, ngi long kiba la khreh ban leit.”
 ka ban long ha ka 10 tarik Iaiong.){kind=link}