Shillong, Rymphang 28: U Comptroller and Auditor General of India (CAG) ula kdew ba kala don ka jingsiew kaba palat pud ha kaba iadei bad ka COVID-19 Compensation sha ki jingtei bad ia ki nongbylla tei ia ki jingtei ha ka jylla Meghalaya, khlem da don ia ka jingpynshisha kaba thikna ne ki jingtip shaphang ki nongioh jingmyntoi.
Ka kaiphod kaba la wanrah ha ka ïing dorbar thawaiñ ha ka Sngi Thohdieng, kala lap ba T.1.34 Klur la sam palat pud namar ka jingai pisa ne Credit sha ki nongioh jingmyntoi da ujuh u Registration Number, Bank Account ne Kyrteng.
“Ka Audit kala pyni ba la iaid lait na ka jingpynbna ka sorkar kaba la lam sha ka jingsiew palat ia ka pisa. Ka jingsiew pisa palat kadei kaba la lap ha baroh ki district” la pynpaw ka kaiphod jong u CAG.
Ki jingduna ki kynthup ia ki 4 tylli ki jingjia ba la siew bunsien ia ka pisa sha ki nongioh jingmytnoi da ujuh u Registration Mumber, 16 tylli ki jingjia ba la siew bunsien ia ka pisa lyngba kajuh ka Bank Account bad 262 tylli ki jingjia ba la siew bunsien ia ka pisa sha ki nongioh jingmytnoi da kajuh ka kyrteng.
Ka kaiphod u CAG kala pyni ruh ia ka jingpynlut pynsep kaba T.20,000 ha ki 4 tylli ki jingjia da ujuh u Registration Number bad T.80,000 ha ki 16 tylli ki jingjia da kajuh ka Bank Account.
 ula kdew ba kala don ka jingsiew kaba palat pud ha kaba iadei bad ka COVID-19 Compensation sha ki jingtei bad ia ki nongbylla tei ia ki jingtei ha ka jylla Meghalaya, khlem da don ia ka jingpynshisha kaba thikna ne ki jingtip shaphang ki nongioh jingmyntoi.){kind=link}