Shillong, Rymphang 28: Da ki spah ngut kila leit pyniasoh bad ka seng BJP ha ka jingialang jong ka Kisan Morcha kaba la long ha Nongpoh, ha kaba u General Secretary ka seng u Bah Wankitbok Pohshna ula iawer ia ka jylla Meghalaya ban don ia ki nongialam kiba don ia ka jingithuh ha Delhi.
“Ka por ka lah dei ia ka Meghalaya bad ia ki paid Hynñiewtrep ban don ia ki nongialam kiba lah ban pyniohsngew ia ka sur ka jongki ha Delhi,” ong u Bah Pohshna bad ka kyntu ia ki dkhot ba kidei ban ialap ha ki shnong ki thaw ban pyniadei bad ka sorkar pdeng.
“Ngim lah ban pynbeit ia ki jingeh jong ki paidbah lada ngim ieng tylli kum kawei ka met bad mynsiem bad ka sorkar pdeng”.
Ula pynpaw ba ka seng BJP kaba ialam ha Assam bad kiwei pat ki jylla kila pyni ia ka nuksa jong ka jingiaid shaphrang khlem da duh ia la ka jinglong tynrai.
“Lada ki paidbah ka Meghalaya ki ailad ia ka BJP, kin ioh pdiang bun ki jingmyntoi, kadei namar u Myntri Rangbahduh ka ri u Narendra Modi, ba ki paitbah kila sdang ban iohpdiang ia ka hok ha ka bhah ka jongki”.
U Bah Pohshna ula pynshai ruh ba ka kamram jongka Kisan Morcha ha kaban kyrshan ia ki nongrep bad ula iaroh ia ka Viksit Bharat GRAM-G scheme halor ka jinglah ban ai jingmyntoi ha ki thain Nongkyndong.
U District general secretary Bah Bless Dkhar, u President ka Kisan Morcha Bah Durut Majaw bad u General Secretary ka Yuva Morcha u Daniel Khonglah kila donlang.
