Shillong, Rymphang 25: U Myntri ka tnat pule puthi Bah Lahkmen Rymbui u la pyntip ba ka eksam Secondary School Leaving Certificate (SSLC) 2026 kan long ha u bnai Nohprah mynta u snem.
Ha ka jubab iaka jingkylli ba la wanrah hapoh ka iingdorbar, u Bah Lahkmen u la ong ba ka Sorkar ka la rai ban pynlong ia ka eksamin SSLC na ka bynta u snem 2025 ha u bnai Nohprah ban pynkut iaka snem pule (academic year) tang hapoh shisnem.
Hynrei namar ka jingkyrpad jong ka Meghalaya Board of School Education (MBoSE), da kaba kdew ïa ki daw ba kam long kaba ïahap ban pynlong ïa ka eksamin SSLC ha u bnai Nohprah 2025, la pynkynriah noh ïa ka eksamin sha u bnai Kyllalyngkot 2026.
Naduh ka eksam ban wan, u Bah Lahkmen u la ong ba ka eksamin SSLC 2026 kan long biang ha u bnai Nohprah katkum ka jingbthah jong ka tnat pule puthi.
 2026 kan long ha u bnai Nohprah mynta u snem.){kind=link}